مشیر زراعت منظور وسان نے کہا ہے کہ گنے کی قیمت ایک دو دن کے اندر مقرر کر دی جائے گی۔

تفصیلات کے مطابق مشیر زراعت سندھ منظور وسان کی زیر صدارت اہم اجلاس ہوا جس میں گنے کی سرکاری قیمت مقرر کرنے سے متعلق تبادلہ خیال کیا گیا۔

اس موقع پر کاشتکار رہنماؤں نے گنے کی فی من قیمت 450 روپے مقرر کرنے کی تجویز دی جبکہ شگر ملز مالکان نے گنے کی قیمت فی من 425 روپے مقرر کرنے کی تجویز دی۔

شگرملز مالکان کا کہنا تھا کہ گنے کی قیمت جو پنجاب مقرر کرے وہی سندھ حکومت مقرر کرے۔

مشیر زراعت منظور وسان کا کہنا تھا کہ گنے کی فی من سرکاری قیمت 425 روپے سے 450 روپے تک مقرر کریں گے، قیمت ایک دو دن کے اندر مقرر کر دی جائے گی۔

اجلاس میں سیکریٹری زراعت، رکن سندھ اسمبلی شاہینہ شیر علی، کین کمشنر، پاسما، کاشتکار رہنماؤں اور دیگر شریک ہوئے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/pakistan/2023/08/825082/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/pakistan/2023/08/825082/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں