اسپیکر قومی اسمبلی راجہ پرویز اشرف کی جانب سے بٹگرام میں پاشتو کے مقام پر چیئر لفٹ میں پھنسے افراد کے لیے فوری طور پر حفاظتی اقدامات تیز کرنے کی ہدایت کردی گئی ہے۔

اسپیکر راجہ پرویز اشرف نے اپنے ایک بیان میں کہا کہ چیئر لفٹ میں پھنسے بچوں اور اساتذہ کی جانیں بچانے کے لیے فوری طور پر امدادی کارروائیاں جلد از جلد کی جائیں۔

اسپیکر نے چیئر لفٹ میں موجود بچوں اور اساتذہ کو بچانے کیلئے فوری طور پر ہیلی کاپٹر بھیجنے اور تمام وسائل بروئے کار لانے کی ہدایت دی ہے۔

راجہ پرویز اشرف نے مزید کہا کہ اللہ تعالیٰ سے تمام افراد کے حفظ وامان کے لیے دعاگو ہوں۔

واضح رہے کہ بٹگرام کے گاؤں پاشتو جھنگڑی میں چیئرلفٹ کی رسی ٹوٹنے سے 8 بچوں سمیت 10 افراد پھنس گئے ہیں۔

پاک فوج کا ہیلی کاپٹر چیئر لفٹ ریسکیو آپریشن کے لئے بٹگرام روانہ ہو گیا ہے تاہم ہیلی کاپٹر سلنگ آپریشن کے لئے ریکی کرے گا کیونکہ چیئر لفٹ کی تین میں سے دو تاریں ٹوٹ چکی ہیں اور ہیلی کاپٹر سے پیدا ہونے والے ہوائی پریشر سے اکیلی بچ جانے والی تار بھی ٹوٹ سکتی ہے۔

دوسری جانب نگران وزیرِ اعظم انوار الحق کاکڑ نے بھی بٹگرام میں پاشتو کے مقام پر چیئر لفٹ میں پھنسے 8 افراد کے فوری ریسکیو ہونے کی ہدایت کی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/08/944244/amp/ کو لائک کریں۔