استحکام پاکستان پارٹی کے پیٹرن ان چیف جہانگیر ترین نے کہا ہے کہ ہر طبقے کی ضرورت پوری کرنا حکومت وقت کا کام ہے۔

 تفصیلات کے مطابق استحکام پاکستان پارٹی کے پیٹرن ان چیف جہانگیر ترین نے اپنے ایک بیان میں کہا کہ بہت خوشی ہے یہاں آیا ہوں، عوام کی خدمت کرنا اور غریب کا خیال کرنا میرے دل کی آواز ہے، اللہ نے ہمیں بہت کچھ دیا ہے ہمیں اللہ نے نوازا ہے، یہ ہمارا فرض ہے کہ مستحق غریب لوگوں کی مدد کریں، ہمارا کام ہے باہر نکلیں اور دیکھیں عوام کی فلاح کو بہترین کیسے کرسکتے ہیں، یہ سفر پرانی پارٹی میں شروع کیا تھا کچھ ایسے لوگ آگئے اور ہم اس کو پورا نہیں کر سکے، اب ہم علیحدہ ہوگئے اب یہ مشن پورا کریں گے۔

انہوں نے کہا کہ ملک امیروں سے نہیں بنتا ہر طبقے کی ضرورت پوری کرنا حکومت وقت کا کام ہے، یہ آپکا حق ہے آپکو مانگنا نہیں چاہیے، یہ آپکا حق استحکام پاکستان پارٹی پورا کرے گی، عوام کی خدمت ہم پاکستان کو ایک طاقتور ملک بنانے کے لیے کریں گے، ملک طاقتور بنے گا تو ترقی ہوگی، یہ باتیں سیاسی نہیں دل سے ہورہی ہیں، اگر اللہ نے موقع دیا تو ایسے کام کریں گے دنیا یاد رکھے گی۔

ان کا کہنا تھا کہ1980 کے بعد پاکپتن میں اتنا پانی آیا ہے انڈیا نے دریا کھولا ہے تو اس وجہ سے اتنا پانی آیا ہے، وعدہ کرتا ہوں یہاں کے بڑے مسائل ہیں اسکو دور کرنے میں کردار ادا کروں گا،75 سال گزر گئے ملک کے حالات ایسے ہونے چاہیے تھے کہ لوگوں کو صحت و تعلیم کا خیال رکھتے، اگر حکومتوں نے عوام کو سہولت نہیں دی تو اس میں ہمارا اپنا قصور ہے عوام کا نہیں۔

 استحکام پاکستان پارٹی کے پیٹرن ان چیف جہانگیر ترین نے مزید کہا کہ پاکستان کو ترقی کی ضرورت ہے دنیا میں پاکستان کا نام روشن ہونا چاہیے، جب وزیراعظم باہر جاتے ہیں تو کہتے ہیں یہ بھی دے دیں وہ بھی دے دیں، دعا کریں ایسے حالات ہوں ہم دنیا کو کہیں کہ یہ لیں ہماری طرف سے حصہ ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/09/902003/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/pakistan/2023/09/902003/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔