نئے وائرس کی تشخیص پر ادارہ صحت نے ایڈوائزری جاری کردی ہے۔

تفصیلات کے مطابق جنوبی بھارت کے صوبے کیریلا میں نیپا وائرس کے کیسز کی اطلاع پیش نظر نگراں وفاقی وزیر صحت کی ہدایت پر قومی ادارہ صحت نے ایڈوائزری جاری کر دی ہے۔

ترجمان وزارتِ صحت نے کہا ہے کہ یہ وائرس چمگاڈر اور پگ کے زریعے انسانوں میں منتقل ہوتا ہے، تا حال پاکستان میں نیپا وائرس کا کوئی کیس رپورٹ نہیں ہوا ہے، لہٰزا کم رسک ایڈوائزری جاری کی گئی ہے۔

نگراں وفاقی وزیر صحت ڈاکٹر ندیم جان نے کہا کہ ماضی میں نیپا وائرس کے کیسز بنگلہ دیش، ملایشیا، سنگاپور اور بھارت میں دیکھے گئے ہیں، وزارت صحت صورت حال کی مسلسل نگرانی کر رہی ہے

 ڈاکٹر ندیم جان نے کہا کہ قومی ادارہ صحت اور بارڈر ہیلتھ سروسز کو ہدایات جاری کر دی ہیں، نیپا وائرس انسانوں اور جانوروں میں یکساں پھیلتا ہے۔

نگراں وفاقی وزیر صحت ڈاکٹر ندیم جان نے مزید کہا کہ بارڈر ہیلتھ سروسز کے نظام کو مضبوط بنانے کیلئے مؤثر اقدامات کیے جا رہے ہیں، عوام کو بیماریوں اور وباؤں سے محفوظ رکھنے کیلئے انٹر نیشنل ہیلتھ ریگولیشن کی سفارشات پر عمل درآمد کو یقینی بنارہے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/10/747991/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/10/747991/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں