ڈیرہ اسماعیل خان میں ٹانک اڈہ کے قریب زور دار دھماکا ہوا جس کے نتیجے میں 5 افراد کی جاں بحق ہوگئے۔

ابتدائی اطلاعات کے مطابق ٹانک اڈہ پر پولیس وین کے قریب ہونے والے دھماکے میں جاں بحق افراد کی تعداد 5 ہو گئی ہے جبکہ دھماکے کے بعد فائرنگ کی آوازیں بھی سنی گئیں۔

پولیس نے بتایا کہ ٹانک اڈہ پر پولیس کی نفری لے جانے والی گاڑی پر دھماکا ہوا ہے جس کے نتیجے میں 5 افراد کی جاں بحق جبکہ ایک ٹریفک پولیس اہلکار اور خاتون سمیت 21 افراد زخمی ہو گئے۔

ریسکیو ذرائع کے مطابق تمام زخمیوں اسپتال منتقل کردیا گیا ہے، تاہم دھماکے میں زخمی ہونے والے افراد میں معرزق، عبدالحمید، اسحاق، قدرت اللہ، ناصر، یاسمین، شیرین، قمر زمان شامل ہیں جبکہ زخمیوں میں 2 خواتین، ایک بچی اور ڈگری کالج کی 3 طالبہ بھی شامل ہیں۔

پولیس نے بتایا کہ دھماکا خیز مواد موٹرسائیکل میں نصب کیا گیا تھا، دھماکے میں جاں بحق افراد کی عمریں 15سے بیس سال ہیں۔

ڈیرہ اسماعیل خان میں ہونے والے دھماکے کی سی ٹی وی فٹیج بول نیوز کو موصول ہوگئی ہے، جس میں دیکھا جا سکتا ہے کہ جیسے ہی دھماکے خیز مواد موٹرسائیکل پولیس کی وین کے قریب سے گزری زوردار دھماکہ ہو گیا، جس کے بعد بھاگ دوڑ مچ گئی۔

دوسری جانب نگران وزیراعظم انوار الحق کاکڑ نے ڈیرہ اسماعیل خان میں دہشتگرد حملے کی شدید مذمت کرتے ہوئے کہا کہ جب تک دہشتگردی کا ناسور ارض پاک سے ختم نہیں ہو جاتا تب تک دہشتگردوں کے خلاف ہماری جنگ جاری رہے گی۔

انوار الحق کاکڑ نے حملے میں شہریوں کی شہادت پر گہرے دکھ اور غم کا اظہار کیا اور شہداء کیلئے بلندی درجات اور انکے لواحقین کیلئے صبرِ جمیل کی دعا بھی کی۔

نگران وزیراعظم نے متعلقہ حکام کو زخمیوں کو بہترین طبی سہولیات فراہم کرنے کی ہدایت دیتے ہوئے کہا کہ قانون نافذ کرنے والے اداروں کی قربانیوں کی بدولت ہی ہم دہشتگردوں کے ناپاک عزائم کو ناکام کرتے آئے ہیں۔

 بعدازاں سابق صدر آصف علی زرداری نے بھی بم دھماکے میں شہید ہونے والے افراد کے لواحقین سے ہمدردی اور تعزیت کا اظہار کرتے ہوئے کہا کہ  وفاقی اور خیبر پختونخوا حکومت دہشتگردی کی نرسریوں کے خاتمے کو یقینی بنائے۔

آصف علی زرداری نے ڈیرہ اسماعیل خان میں دہشت گردی کی مذمت کرتے ہوئے کہا کہ محصوم انسانوں کو نشانہ بنانے والے ناقابل معافی ہیں۔

سابق صدر نے بم دھماکے میں زخمی ہونے والوں کی جلد صحتیابی کیلئے بھی دعا کی اور کہا کہ دہشتگرد ملک اور قوم کے دشمن ہیں وطن دشمنوں کا خاتمہ ضروری ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/pakistan/2023/11/477862/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/pakistan/2023/11/477862/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں