ڈرائیونگ لائسنس کے خواہشمند افراد کیلئے اچھی خبر آگئی ہے۔

تفصیلات کے مطابق چیف ٹریفک آفیسر لاہور مستنصر فیروز نے کہا ہے کہ ڈرائیونگ لائسنس دفاتر کے اوقات کار اور عملہ بڑھا دیا گیا ہے۔

انہوں نے کہا کہ شہریوں کو بہتر سہولیات کی فراہمی کے لیے آٹھ خدمت مراکز چوبیس گھنٹے کھلے ہیں۔

  دوسری جانب لاہورمیں ٹریفک پولیس کا کم عمر ڈرائیورز اور ڈرائیونگ لائسنس نہ رکھنے والوں کے خلاف کریک ڈاؤن جاری ہے۔

سی ٹی او مستنصر فیروز نے کہا کہ 21 روز میں 7 ہزار سے زائد مقدمات درج کر کے گاڑیاں تھانوں میں بند کر دی گئیں۔

مستنصر فیروز کا کہنا تھا کہ 15روز میں بغیر لائسنس 9 ہزار 355 ڈرائیورز کے خلاف مقدمات درج کیے گئے، بغیر لائسنس کار ڈرائیونگ پر 2 ہزار اور موٹرسائیکل چلانے پر 7 ہزار مقدمات درج ہوئے۔

سی ٹی او لاہور نے کہا کہ بغیرلائسنس گاڑی، موٹرسائیکل چلانے والے کسی رعایت کے مستحق نہیں، کم عمر بچوں کو گاڑی، موٹرسائیکل دینے والے بھی کسی معافی کے مستحق نہیں۔

لائسنس دفاتر کے اوقات کار اور عملہ بڑھا دیا گیا ہے، شہریوں کو بہتر سہولیات کی فراہمی کے لیے آٹھ خدمت مراکز چوبیس گھنٹے کھلے رہتے ہیں۔

ٹریفک پولیس نے ماہ نومبر میں دو لاکھ اسی ہزار پانچ سو اٹھارہ نئے ڈرائیونگ پرمٹ جاری کیے اور انیس ہزار سات سو اکسٹھ شہریوں نے نئے لائسنس جبکہ اٹھارہ ہزار تیس سو بارہ شہریوں نے لائسنس کی تجدید کروائی۔