موجودہ حکومت کے دوسرے ماہ بھی گندم کی درآمد جاری رہنے کا انکشاف ہوا ہے۔

ذرائع کا کہنا ہے کہ عبوری ڈیٹا کے مطابق اپریل میں 86 ہزار800 میٹرک ٹن گندم درآمد ہوئی، اپریل 2024 میں 7 ارب روپے مالیت سے زائد کی گندم درآمد ہوئی۔

حکومتی ذرائع کے مطابق موجودہ حکومت کے پہلے 2 ماہ میں 7 لاکھ 78 ہزارمیٹرک ٹن گندم درآمدہوئی، موجودہ حکومت کے پہلے ماہ 6 لاکھ 91 ہزار136 میٹرک ٹن گندم درآمدکی گئی تھی۔

سرکاری ڈیٹا کے مطابق مارچ 2024 میں57 ارب 19 کروڑ20 لاکھ روپے کی گندم درآمد کی گئی تھی، نگراں دور میں 27 لاکھ 58 ہزار226 میٹرک ٹن گندم درآمد کی گئی تھی۔

رواں مالی سال فروری تک 225 ارب 78 کروڑ30 لاکھ روپے کی گندم درآمد ہوئی تھی۔ رواں سال مارچ تک 34 لاکھ 49 ہزار 436 میٹرک ٹن گندم درآمد کی گئی تھی۔

سرکاری ڈیٹا کے مطابق رواں سال مارچ تک 282 ارب 97 کروڑ50 لاکھ روپے کی گندم درآمدہوئی تھی۔