پاکستان کے نامور صحافی عادل عباسی کو ناظرین بہت جلد دیکھ سکیں گے بول نیوز کے پروگرام ’بول عادل عباسی کے ساتھ‘ پروگرام میں۔

پاکستانی صحافت میں بے باک اور نڈر صحافی کے طور پر جانے جانے والے نامور صحافی عادل عباسی بہت جلد بول نیوز کی اسکرین پر جلوہ گر ہوں گے۔

میزبان عادل عباسی کا پروگرام ’بول عادل عباسی کے ساتھ‘ کا آغاز 16 ستمبر بروز پیر سے بول نیوز پر  ہونے جارہا ہے جو رات کو 8 بجے نشر ہوگا۔

بول عادل عباسی کے ساتھ پروگرام میں آپ دیکھ سکیں گے ملک کے سیاستدانوں اور ماہر تجزیہ کاروں کے تبصرے اور تجزیے جو سوچ کے نئے زاویے کھول دیں گے۔

عادل عباسی ملک کے نامور چینلز میں صحافتی ذمہ داریاں سر انجام دے چکے ہیں اور ان کے کام کو وسیع حلقے میں پسند کیا جاتا ہے جب کہ سوشل میڈیا پر بھی ان کی فین فولونگ لاکھوں میں ہے۔

خیال رہے کہ بول نیوز کی ریٹنگ تاریخ کی بلندیوں کو چھو رہی ہے اور یہی وجہ ہے کہ ایک کے بعد ایک ملک کے نامور صحافی بول ٹیم کو جوائن کررہے ہیں۔

بول نیوز کی انتظامیہ ناظرین کے اعتماد پر تہہ دل سے ان کا شکریہ ادا کرتی ہے  اور یہ یقین دلاتی ہے کہ  ’’بول نیوز‘‘ آزادی صحافت کے لیے اپنی جدوجہد ایسے ہی جاری رکھے گا۔