امیر جماعت اسلامی حافظ نعیم الرحمان نے پشتونخوا ملی عوامی پارٹی کے سربراہ محمود خان اچکزئی سے ٹیلیفونک رابطہ کیا ہے۔

ذرائع کے مطابق ٹیلیفونک رابطے کے دوران حافظ نعیم الرحمان اور محمود خان اچکزئی نے موجودہ سیاسی صورتحال اور مشرقی وسطی کے حالات پر تفصیلی گفتگو کی۔

ذرائع نے بتایا کہ دونوں رہنماوں نے مجوزہ آئینی ترمیم کے حوالے سے بھی بات چیت کی۔

ٹیلیفونک رابطے کے دوران محمود اچکزئی نے فلسطین کے حوالے سے جماعت اسلامی کے موقف کو سراہا۔

ذرائع کے مطابق حافظ نعیم الرحمان نے محمود خان اچکزئی کو 7 اکتوبر غزہ مارچ میں شریک ہونے کی دعوت دی، تاہم انہوں نے حافظ نعیم الرحمان کی دعوت قبول کرلی۔

اس دوران حافظ نعیم الرحمان نے کہا کہ جماعت اسلامی تحریک تحفظ آئین پاکستان کا حصہ ہے، مشترکات پر جماعت اسلامی ساتھ چلنے کیلئے تیار ہے۔