کوئٹہ: وزیر اعلیٰ بلوچستان سرفراز بگٹی نے کہا ہے کہ سائنسی نمائش میں حصہ لینے والے طلباء کیلئے دس لاکھ روپے کا اعلان کرتا ہوں۔

وزیر اعلیٰ سرفراز بگٹی نے نجی اسکول میں سائنسی نمائش کی تقریب سے خطاب کرتے ہوئے کہا کہ بچوں کی تخلیق دیکھ کر فخر ہوا، بلوچستان کا مستقبل روشن ہے۔

انہوں نے کہا کہ طلباء اپنی محنت جاری رکھیں آپ پاکستان اور بلوچستان کو آگے لے جائیں گے، آج مجھے احساس ہوا کہ ہم بہت آگے جا رہے ہیں، اسکول کی جانب سے غریب طلباء کو اسکالرز شپ دینا قابل فخر ہے۔

سرفراز بگٹی نے مزید کہا کہ وزیر تعلیم راحیلہ درانی تعلیم کے فروغ کے لئے محنت کر رہی ہیں، بچوں نے آگے بڑھنا ہے، جس نے پاکستان سے محبت کی اس نے عزت پائی، جس نے پاکستان سے غداری کی ہمیشہ ذلت پائی۔