سری نگر ہائی وے پر شر پسندوں نے گاڑی رینجرز اہلکاروں پر چڑھا دی جس سے تین رینجرز اہلکار شہید ہو گئے جبکہ پانچ رینجرز اور پولیس کے جوان شدید زخمی ہیں۔

  سیکیورٹی ذرائع کے مطابق پی ٹی آئی شر پسندوں کے قانون نافذ کرنے والے اداروں پر حملوں میں اب تک رینجرز  کے تین اور پولیس کے دو جوان شہید ہو چکے ہیں۔

ذرائع کا کہنا ہے کہ اب تک سو سے زائد پولیس اہلکار زخمی  ہو چکے ہیں جن میں متعدد شدید زخمی ہیں ۔

اسلام آباد میں آرٹیکل 245 کے تحت پاک فوج کو بلا لیا گیا ہے۔ فوج کو کرفیو لگانے کا بھی اختیار تفویض کردیا گیا۔انتشار  پھیلانے والوں اور شر پسندوں  سے آہنی ہاتھوں سے نپٹنے کے لیے احکامات دے دیے گئے ہیں۔

سیکیورٹی ذرائع کا کہنا ہے کہ انتشاریوں اور شر پسندوں کو موقع پر گولی مارنے کے واضح احکامات دے دیے گئے ہیں۔

ذرائع کا مزید کہنا ہے کہ انتشار پسند اور دہشت گرد عناصر کو کسی بھی قسم کی دہشت گردانہ کاروائی سے نپٹنے کے لیے تمام اقدامات بروئے کار لائے جا رہے ہیں۔