پاکستان انٹرنیشنل ایئر لائنز کی تقریباً ساڑھے 4 سال بعد یورپ کیلئے پروازیں بحال، پہلی فلائٹ پیرس کے لیے روانہ ہوگئی ہے۔

پی آئی اے کے ترجمان کے مطابق پی آئی اے اسلام آباد پیرس کے لیے ہفتہ وار 2 براہ راست پروازیں چلائے گی، جبکہ پہلی پرواز آج اسلام آباد سے پیرس کے لیے 12 بج کر 10 منٹ پر روانہ ہوگئی ہے۔

پیرس آنے اور جانے والی پہلی اور دوسری پروازوں  کے لیے فلائٹ بکنگ فل ہو چکی ہے جو کہ بہت خوش آئند بات ہے۔

پی آئی اے نے انٹرانیٹ وائرلیس انٹرٹینمنٹ سسٹم کے ذریعے ان فلائٹ انٹرٹینمنٹ کے لیے بھی خصوصی انتظامات کیے ہیں۔

مسافر اپنے موبائل فون، ٹیبلٹ یا لیپ ٹاپ کمپیوٹر کے ذریعے ان فلائٹ انٹرٹینمنٹ استعمال کرسکیں گے۔

پی آئی اے کے ترجمان کے مطابق مسافروں کی جانب سے فلائٹ پر مثبت ردعمل سے ہم مستقبل میں مزید بہتر لوڈز کی توقع رکھتے ہیں، پیرس کی پروازیں اب فرانس اور پاکستان میں پاکستانیوں کی دیرینہ خوائش  کو پورا کرتی ہیں۔

پی آئی اے کی جانب سے مسافروں کو وقت کی بچت کی سہولت کے ساتھ سستے داموں ٹکٹ مل رہے ہیں، اسلام آباد انٹر نیشنل ائرپورٹ پر خصوصی انتظامات کر دیئے گئے ہیں۔

یہ بھی پڑھیں: یورپ پروازوں کی بحالی کے بعد پی آئی اے ترقی کی جانب گامزن ہے، وزیرِاعظم