عیدالفطر کے موقع پر موٹروے پولیس نے مسافروں سے زائد کرایہ وصولی کے خلاف بھرپور کارروائیاں کرتے ہوئے ایم نائن موٹروے پر 9 لاکھ روپے سے زائد کرایہ واپس کروا لیا۔

موٹروے پولیس کے ترجمان نے بتایا کہ اضافی کرایہ وصول کرنے والے بس مالکان پر 8 لاکھ روپے سے زائد کے جرمانے بھی عائد کیے گئے ہیں۔

ترجمان موٹروے پولیس کے مطابق، زائد کرایہ وصول کرنے والی پبلک ٹرانسپورٹ کمپنیوں کے روٹ پرمٹ منسوخ کیے جا رہے ہیں تاکہ مسافروں کے حقوق کا تحفظ کیا جا سکے۔

اس کے علاوہ، موٹروے پولیس نے مسافروں کو ہدایت دی ہے کہ وہ زائد کرایہ وصولی کی شکایات کے لیے مسافر ہیلپ لائن 130 پر رابطہ کریں۔

ڈی آئی جی موٹروے پولیس اصغر علی یوسفزئی نے کہا کہ عید کے دوران مسافروں کی سہولت کے لیے موٹروے پولیس ہر مقام پر موجود ہے، اور اوور بورڈنگ اور زائد کرایہ وصولی کو قطعی طور پر برداشت نہیں کیا جائے گا۔