سوئی ناردرن گیس کمپنی نے رمضان المبارک کے دوران صارفین کو سحر، افطار اور دوپہر کے کھانے کی تیاری کے اوقات میں بلا تعطل اور مناسب پریشر کے ساتھ گیس کی فراہمی یقینی بنانے کے لیے پیشگی اقدامات کیے ہیں۔

کمپنی نے اپنے نیٹ ورک میں مستحکم گیس فراہمی کو برقرار رکھنے کے لیے ضروری انتظامات مکمل کر لیے ہیں تاکہ صارفین کو کسی قسم کی رکاوٹ کے بغیر گیس فراہم کی جا سکے۔

سوئی ناردرن گیس نے اس عزم کا اعادہ کیا ہے کہ رمضان کے مقدس مہینے میں صارفین کو گیس کی فراہمی میں کسی قسم کی کمی یا پریشانی کا سامنا نہیں ہوگا۔

کمپنی نے صارفین کو ترغیب دی ہے کہ وہ اگر گیس فراہمی میں کسی قسم کی کمی یا پریشر کے مسائل کا سامنا کریں تو سوئی ناردرن کی ہیلپ لائن 1199 پر فوری طور پر شکایت درج کروا سکتے ہیں تاکہ فوری حل فراہم کیا جا سکے۔