وزیرخزانہ محمد اورنگزیب نے کہا کہ ماحولیاتی تبدیلی اور آبادی میں اضافہ پاکستان کیلئے بڑے خطرات ہیں، عالمی بینک، آئی ایم ایف اور دیگراداروں کی مدد سے ان مسائل سے نمٹا جائے گا۔  

وزیرخزانہ محمد اورنگزیب نے سینٹر فار گلوبل ڈویلپمنٹ کے تحت مذاکرے میں پاکستانی معیشت پر اظہارخیال کرتے ہوئے کہا کہ ٹیکس نظام، نجکاری، توانائی و دیگر شعبوں میں اصلاحات پوری توانائی سےجاری رہیں گی۔

محمد اورنگزیب نے کہا کہ برآمدات میں اضافے، برآمدی شعبوں میں سرمایہ کاری سےمعیشت کوآگےبڑھاناہے، محض میکرواکنامک استحکام ہی نہیں، پائیدارترقی کاحصول، ہمارانصب العین ہے۔

وزیرخزانہ  کا یہ بھی کہنا تھا کہ مالی وسائل میں اضافے کیلئے مینوفیکچرنگ سیکٹر کو ٹیکس نظام میں شامل کرنا ترجیح ہے، ٹیکس نظام کوآسان اورسادہ بنایاجارہاہے۔

محمد اورنگزیب نے کہا کہ ٹیرف معاملےپرتعمیری مذاکرات کیلئےاعلیٰ سطح پاکستانی وفد امریکہ کادورہ کرےگا، ٹیکس پالیسی کومزیدشفاف، مؤثر بنانےکیلئے ایف بی آرکےدائرہ کارسےعلیحدہ کردیا ہے۔

وزیرخزانہ کا کہنا تھا کہ پاکستان میں معدنیات اورکان کنی پرہونےوالی کانفرنس میں امریکی وفدکی شرکت خوش آئندہے،کانفرنس میں امریکی وفدکی شرکت سےمستقبل کےمعاشی وتجارتی تعلقات میں اضافہ ہوگا، معدنیات،کان کنی کانفرنس میں مقامی سرمایہ کاروں کی شرکت اورکاروباری اقدامات خوش آئندہے۔

محمد اورنگزیب نے یہ بھی کہا کہ امریکہ سےکاٹن اورسویابین کی درآمد میں اضافےکےامکانات کاجائزہ لیاجاسکتاہے، پاکستان کوماحولیاتی عدم استحکام کاسامناہے، ماحولیاتی استحکام کیلئےمالی وسائل کی فراہمی کےعلاوہ مؤثرمنصوبوں کی ضرورت ہے۔