وفاقی وزیراطلاعات عطاء اللہ تارڑ  نے کہا کہ مسیحی برادری پاکستان کی تعمیروترقی میں اہم کرداراداکررہی ہے۔

وفاقی وزیر اطلاعات عطاء اللہ تارڑ نے لاہور میں اٹرنل لائف منسٹریز چرچ پاکستان کے زیر اہتمام ایسٹر کی تقریب سے خطاب کرتے ہوئے کہا کہ تمام مسیحی برادری کوایسٹرکےموقع پرمبارکبادپیش کرتاہوں۔

وفاقی وزیر اطلاعات نے کہا کہ آج یہاں آکر بہت اچھا محسوس کر رہا ہوں، اس کمیونٹی نے ملک پاکستان کی خاطر بہت قربانیاں دی ہیں، اور اسے بنانے کے لیے بڑا کردار ادا کیا ہے۔

عطاء اللہ کا کہنا تھا کہ میرا حلقہ میرے لیے باعث فخر ہے، میں جہاں بھی جاؤں دنیا میں انہیں فخر سے بتاتا ہوں کہ میں 70 ہزار مسیحی ووٹرز کو نمائندہ ہوں، میں آپ کو پوری پارٹی قیادت کی طرف سے ایسٹر کی مبارک باد دیتا ہوں۔

وفاقی وزیر اطلاعات کا کہنا تھا کہ آپس میں ہم آہنگی اور بھائی چارہ اور پیار محبت بہت ضروری ہے، آپ کی خوشی میں، آپ کے ہر تہوار میں آپ کے ساتھ کھڑا ہوں۔

عطاء اللہ تارڑ نے کہا ہے کہ مسیحی کمیونٹی نے مجھ پر اعتماد کیا اور مجھے ووٹ دیے، آپ سب کا شکریہ آپ نے ہمیشہ محبت دی ہے، میں آپ کے حقوق کے تحفظ کی بات ہر فورم پر کروں گا، دنیا کے بہترین فائٹر پائلٹ مسیحی کمیونٹی سے آئے۔

 وفاقی وزیر اطلاعات نے کہا کہ وزیراعلیٰ مریم نوازنےپنجاب میں عوام کی خدمت کی، وزیراعظم شہبازشریف نےدنیامیں پاکستان کوعزت دلوائی، مالیاتی ادارےکہہ رہے ہیں پاکستان کی معیشت ابھرتی ہوئی معیشت ہے۔

عطاء اللہ تارڑ نے کہا کہ پاکستان کی معیشت ترقی کررہی ہے، پاکستان کی ترقی میں آرمی چیف، ایس آئی ایف سی کااہم کردارہے۔