کراچی: جشن آزادی معرکہ حق تقریب میں گورنر سندھ کامران ٹیسوری کی عاطف اسلم کے گانے پر ڈانس ویڈیو وائرل ہوگئی۔

گورنر ہاؤس کراچی میں یومِ آزادی اور معرکۂ حق کے حوالے سے تقریب کا انعقاد کیا گیا جس میں گذشتہ روز پاکستان کے معروف گلوکار عاطف اسلم نے اپنی آواز کا جادو جگایا۔

عاطم اسلم کے کنسرٹ میں لاکھوں افراد نے شرکت کی جب کہ کنسرٹ کے دوران ایک ناخوشگوار واقعہ بھی دیکھنے کو ملا جس کی وجہ سے پروگرام کو کچھ وقت کے لیے روکنا پڑا تاہم گورنر سندھ نے خود اسٹیج پر آکر صورتحال کو کنٹرول کیا۔

عاطف اسلم نے آواز کا ایسا جادو جگایا کہ مداح جھوم اٹھے، ایسے وقت میں ہمارے گورنر بھی کسی سے کم نہیں تھے وہ خود اسٹیج پر آکر ڈانس کرتے رہے جس کی ویڈیو وائرل ہوگئی۔

جشن آزادی معرکہ حق تقریب میں گورنر سندھ کی عاطف اسلم کے گانے پر ڈانس ویڈیو وائرل#GovernorSindh #KamranTessori pic.twitter.com/YonU25jnGu

— Kashan (@KashanJornalist) August 12, 2025

ویڈیو میں دیکھا جاسکتا ہے کہ گلوکار اسٹیج پر گانا گارہے ہیں اور اسی دوران کامران ٹیسوری اسٹیج پر آتے ہیں اور ان کا ہاتھ پکڑ کر لوگوں کا جوش گرماتے ہیں جب کہ بعد ازاں وہ عوام کی طرف رخ کرکے کر ڈانس کرنا شروع کردیتے ہیں۔