آئی ایم ایف اور ورلڈ بینک کے ساتھ اجلاس، محمد اورنگزیب امریکاپہنچ گئے۔  واشنگٹن میں پاکستانی سفارت خانے کے افسران نے وزیر خزانہ سینیٹر محمد اورنگزیب کا استقبال کیا۔

محمد اورنگزیب آئی ایم ایف اور ورلڈ بینک کے پلینری اجلاسوں میں پاکستان کی نمائندگی کریں گے۔ ان کی عالمی بینک کے صدر اجے بنگا سے ملاقات طے ہے۔

اجے بنگا کی خصوصی دعوت پر وزیر خزانہ عشائیہ میں شریک ہوں گے۔ محمد اورنگزیب کی آئی ایم ایف کی ایم ڈی کرسٹلینا جارجیوا سے ملاقات ہو گی۔

وزیر خزانہ ایم ای این اے پی فورم سے بطور کلیدی مقرر خطاب کریں گے۔ ایف بی آر کی ڈیجیٹل ٹرانسفارمیشن پر عالمی بینک کے راؤنڈ ٹیبل میں شرکت کریں گے۔

راؤنڈ ٹیبل میں مختلف ممالک کے ٹیکس حکام بھی شریک ہوں گے۔ وزیر خزانہ ورلڈ اکنامک فورم کے دو اہم ایونٹس میں شریک ہوں گے۔

محمد اورنگزیب چین، برطانیہ، سعودی عرب، ترکیہ اور آذربائیجان کے وزرائے خزانہ سے ملاقات کریں گے۔

وزیر خزانہ کی وائٹ ہاؤس کے اعلیٰ حکام سے ملاقاتیں بھی طے ہیں ۔ کانگریس کی فنانشل سروسز کمیٹی کے چیئرمین سے ملاقات شیڈول ہے۔

وہ عالمی کریڈٹ ریٹنگ ایجنسیوں اور مشرق وسطیٰ کے بینکوں کے نمائندوں سے ملاقات کریں گے۔ محمد اورنگزیب مختلف سرمایہ کاری فورمز اور سیمنارز سے خطاب کریں گے۔