سگریٹ نوشی  بد ترین عادت ہے جس کے صحت پر منفی اثرات مرتب ہوتے ہیں لیکن برطانوی شہری کو سگریٹ پینے کے بعد ٹکڑا سڑک پر پھینکنا بھی مہنگا پڑ گیا۔

بین الاقوامی ذرائع ابلاغ کے مطابق گلوسسٹرشائر میں شہری الیکس ڈیوس کو سڑک پر سگریٹ کا فلٹر پھینکنے پر مقامی کونسل کے حکام نے پاکستانی ڈیڑھ لاکھ روپے کے مساوی جرمانہ کر دیا ہے۔

عدالت کی جانب سے جرمانے کی ادائیگی کے نوٹس کے باوجود الیکس ڈیوس نے رقم ادا نہیں کی۔

جرمانے کی عدم ادائیگی کے باعث اس شہری پر مزید 250 پاؤنڈ جرمانہ اور دیگر سرچارج عائد کر دیئے گئے۔

یہ بھی پڑھیں: ای سگریٹ پینے والے ہو جائیں ہوشیار؛ نئی تحقیق نے خطرے کی گھنٹی بجا دی

حکام کا کہنا ہے کہ اب سڑک پر سگریٹ کا فلٹر پھینکنے والے شہری کو 558 پاؤنڈ جرمانہ ادا کرنا ہوگا۔

برطانیہ میں سڑک یا گلیوں میں کچرا پھینکنے پر جرمانے کا ایک مخصوص چالان ٹکٹ جاری کیا جاتا ہے جس کی رقم پہلے سے طے شدہ ہوتی ہے۔

یہ بھی پڑھیں: کس عمر میں سگریٹ نوشی ترک کرنا موت کی شرح کو کم کرتا ہے