کرکٹ ورلڈکپ 2019 کے 41 ویں میچ میں میزبان انگلینڈ، نیوزی لینڈ کو شکست دے کر سیمی فائنل میں پہنچ گیاہے۔

گزشتہ روزڈرہم کے ریور سائیڈ گراؤنڈ میں کھیلے گئے میچ میں انگلینڈ کی جانب سے دیئے گئے 306 رنز کے ہدف کے تعاقب میں نیوزی لینڈ کی پوری ٹیم 186 رنز پر  ہی ڈھیر ہو گئی۔

نیوزی لینڈ کے 6 کھلاڑی ڈبل فگرمیں ہی داخل نہ ہوسکے، ٹام لاتھم 57رنز بناکر نمایاں رہے،انگلینڈ کے مارک ووڈ نے 3 کھلاڑیوں کوپویلین کی راہ دکھائی۔انگلینڈ نے پہلے بیٹنگ کرتے ہوئے 8وکٹوں پر305رنز بنائے، بئیرسٹونے شاندار سنچری جڑی،یہ ان کی لگاتاردوسری سنچری ہے۔

بئیرسٹوکے علاوہ جیسن رائے 60 اورکپتان ایون مورگن 42 رنز بنانے میں کامیاب ہوئے۔شاندار سنچری اسکور کرنے پربئیرسٹوکو میچ کا بہترین کھلاڑی قراردیا گیا۔

انگلینڈ کی فتح کے ساتھ ہی  پاکستانی ٹیم کی سیمی فا ئنل تک رسائی انتہا ئی مشکل  نظر آ رہی ہےتاہم گر ین شرٹس کا فیصلہ  پاک بنگلہ دیش میچ کے بعد ہی ہو گا۔

واضح رہے کہ انگلینڈ کی ٹیم 1992 کے ورلڈ کپ کے بعد پہلی بار ورلڈ کپ کے سیمی فائنل میں پہنچی ہے۔