چئیرمین پاکستان کرکٹ بورڈ (پی سی بی) احسان مانی کےسالانہ اخراجات سامنےآگئے۔

 تفصیلات کےمطابق احسان مانی نےایک سال میں 1کروڑ3 لاکھ 59 ہزاراور 76 روپے خرچ کیے۔

چئیرمین پی سی بی کےایک سال کےاخراجات کی دستاویزات کےمطابق مختلف الاونسس کی شکل میں ملنے والی 81 لاکھ 76 ہزار 719 کی رقم احسان مانی نے موصول نہیں کی۔

چئیرمین پی سی بی نےرہائش کی مدمیں 26لاکھ روپےسےزائدرقم خرچ کی جبکہ گاڑی اورڈرائیور کی مدمیں7 لاکھ 72 ہزار 970روپےسے زائدکاخرچہ کیا۔

احسان مانی کی جانب سےغیرملکی دوروں پر50 لاکھ روپےسےزائدرقم خرچ کی گئی۔چئیرمین پی سی بی کی اہلیہ کےغیر ملکی دوروں پر3 لاکھ 30 ہزار خرچ ہوئے۔

 دستاویزات کے مطابق احسان مانی نےاندرون ملک سفر پر8 لاکھ 92ہزارروپے سےزائد رقم خرچ کی ہے۔ اس کے علاوہ سیکیورٹی گارڈاورملازمین کی مد میں 3 لاکھ 45 ہزارروپےخرچ کیےگئےہیں۔

 بی او جی میٹنگ میں حاضری کےلیےچئیرمین پی سی بی نے20 ہزار روپے وصول کئے۔

خیال رہےکہ سابق چئیرمین نجم سیٹھی سے 72 لاکھ 74 ہزاراور429 روپےکی واپسی کاکیس عدالت میں ہے۔