قومی کرکٹ ٹیم کے فاسٹ بالر حسن علی نے ان کی شادی سے متعلق چلنے والی خبروں کی تصدیق کردی  ہے ۔

گوجرانوالہ میں  شادی کے حوالے سے پریس کانفرنس کرتے ہوئے فاسٹ بالر  کا کہنا تھا  کہ میڈیا میں  شادی کے حوالے سے آنےوالی خبریں  درست ہیں  ،20اگست کو انڈین لڑکی کے ساتھ شادی کر نے جا رہا ہوں۔

انہوں نے بتایا شادی کی تقریب دبئی میں ہو گی جبکہ دو تین مہینے بعد پاکستان میں باقی رسم رواج ہو ں گے۔

 سوشل میڈیا پر وائرل ہونے والی تصاویر کے حوالے سے حسن علی کا کہنا تھا کہ میری منگیتر کا نام  شامیعہ  نہیں  بلکہ سامیعہ خان  ہے  اور سوشل میڈیا پر شئیر  ہونے والی تصاویر  بھی میری منگیتر کی نہیں ہیں ۔فیملیز کی جانب سے پریشر کی وجہ سے  ابھی تصاویرسامنے نہیں لاسکتا ۔

شادی کی تقریبات کے حوالے سے  ان کا کہنا تھا کہ  شادی کی تیاریاں پاکستانی کلچر کے حساب سے کر رہے ہیں اور وہ پاکستانی اسٹائل کی بلیک اور ریڈ کلر کی شیروانی پہنیں   گے جبکہ  سامعہ انڈین سٹائل کا عروسی لباس پہنیں گی ۔