پی سی بی کے نئے ڈومیسٹک سیزن کی تقریب رونمائی ہفتہ کو ہوگی۔

تفصیلات کے مطابق پاکستان کرکٹ بورڈ کی جانب سے ڈومیسٹک کرکٹ اسٹرکچر 2019-20 کی تقریب رونمائی31 اگست بروز ہفتہ دوپہر 11:15 بجے فار اینڈ بلڈنگ، قذافی اسٹیڈیم لاہور میں کی جائے گی۔

پاکستان کرکٹ بورڈ کی جانب سے منظور شدہ تمام صحافیوں سے تقریب میں شرکت کی درخواست بھی کی گئی ہے۔

تقریب میں پی سی بی کے نئے ڈومیسٹک کرکٹ اسٹرکچر پر تفصیلی بریفنگ دی جائے گی جس کے بعد سوال و جواب کا سیشن ہوگا جبکہ تقریب میں چیئرمین پی سی بی احسان مانی، چیف ایگزیکٹو وسیم خان اور ڈائریکٹر ڈومیسٹک کرکٹ ہارون رشید شرکت کریں گے۔

واضح رہے کہ تقریب 31 اگست بروز ہفتہ دوپہر 11:15 بجے قذافی اسٹیڈیم لاہور میں واقع فار اینڈ بلڈنگ کی دوسری منزل پر ہوگی جبکہ تمام میڈیا نمائندگان سے 11 بجے تک آمد کی درخواست کی گئی ہے تاکہ تقریب کا آغاز مقررہ وقت پر کیا جاسکے۔