انٹرنیشنل کرکٹ کونسل نے پلیئرز کی نئی ٹیسٹ رینکنگ جاری کردی۔

آئی سی سی نے بولرز اور بیٹسمینوں کی ٹاپ پوزیشن بتا دی بیٹسمینون میں پہلے نمبر پراسٹیو اسمیتھ  جبکہ بالر میں دسویں نمبر پر پاکستان کے محمد عباس کا نام شامل ہے ۔

 اشیز سیریز کے بعد آئی سی سی کی جانب سے نئی پلیئرز رینکنگ جاری کردی گئی۔

ایشیز میں شاندار بیٹنگ کرنے والے آسٹریلیا کے اسٹیو اسمتھ کا پہلی پوزیشن پر قبضہ برقرار ہے، انہیں نمبر ٹو بھارت کے ویرات کوہلی پر 34 پوائنٹس کی برتری حاصل ہے، نیوزی لینڈ کے کین ولیمسن کا تیسرا نمبر ہے۔

بولرز کی ابتدائی آٹھ پوزیشنز میں بھی کوئی فرق نہیں آیا ، البتہ پاکستان کے فاسٹ بولر محمد عباس رینکنگ میں دسویں نمبر پر پہنچ گئے۔

پہلا نمبر آسٹریلیا کے پیٹ کومنز کا ہے، دوسرے نمبر پر جنوبی افریقا کے ربادا اور تیسرے نمبر پر بھارت کے بومرہ ہیں۔

واضح رہے کہ آئی سی سی ورلڈکپ دوہزار انیس سب سے زیادہ دیکھے جانے والا ایونٹ بن گیا۔۔ آئی سی سی کی جانب سے جاری کردہ اعداد و شمار کے مطابق ڈیڑھ ارب افراد نے ورلڈکپ کے لائیومیچز دیکھے۔