پاکستان کرکٹ بورڈ کی جانب سے سنٹرل پنجاب کے کپتان احمد شہزاد پر میچ فیس کا 50 فیصد جرمانہ عائد کردیا گیا ہے۔

پی سی بی کے مطابق احمد شہزاد کو میچ میں گیند کی حالت بدلنے کا مرتکب پایا گیا جبکہ گیند کی حالت تبدیل کرنے والے کھلاڑی کی شناخت نہ ہونے پر بطور کپتان جرمانہ کیا گیا جبکہ سندھ اور سینٹرل پنجاب کے میچ کی پہلی اننگزمیں بال ٹمپرنگ ہوئي۔

احمد شہزاد کی جانب سے اعتراف جرم نہ کرنے کے باعث معاملے پر سماعت کی گئی، سماعت کے بعد میچ ریفری نے احمد شہزاد کو مجرم قراردے کر نوٹس آف چارج تھمادیا گیا۔

سماعت میں احمد شہزاد کا کہنا تھا کہ میچ کے دوران گیند کی حالت میں تبدیلی ایک فطری عمل تھا لیکن میچ ریفری کے فیصلے  کا احترام کرتے ہوئے اسے قبول کرتا ہوں جبکہ میرا مقصد معیاری کرکٹ کھیلنا اور نوجوانوں کے لیے مشعل راہ بننا ہے۔

دوسری جانب سہیل خان اور اظہر علی کو میچ کے دوران جملوں کا تبادلہ کرنے پر تنبیہ جاری کردی گئی۔