پاکستانی پروفیشنل باکسر محمد وسیم ایک اور انٹرنیشنل فائٹ کے لیے تیار ہیں، محمد وسیم انٹرنیشنل فائٹ کے لیے 22 نومبر کو دبئی میں رنگ میں اتریں گے۔

کوئٹہ سے تعلق رکھنے والے پاکستانی باکسر محمد وسیم کے مدِ مقابل میکسیکو کے گینگان لوپز ہوں گے۔

میکسیکن باکسر گینگان لوپز اب تک 46 فائٹس میں سے36 میں کامیاب رہے ہیں، لوپز 3 مرتبہ ڈبلیو بی سی لائٹ فلائی ویٹ کے عالمی چیمپئن بھی رہ چکے ہیں۔

اس فائٹ کے حوالے سے محمد وسیم کا کہنا تھا کہ میکسیکن باکسر سے مقابلے کے لیے بہت تیاری کی ہے، ان کی تیاری مکمل ہے۔

 ان کا  مزید   کہنا تھا کہ گینگان لوپز تجربے میں ان سے آگے ہیں، تاہم انہیں اپنی کامیابی کی بہت امید ہے اور وہ گینگان لوپز کو ہرا کر پاکستان کا نام روشن کریں گے۔

 دوسری جانب  فالکن کےنام سےمشہوروسیم کے لیے منفردطرزکاباکسنگ ٹرنکس بنایا گیاہے۔ جس میں قیمتی ہیرے لگےہوئے ہیں اور فالکن لکھا ہے۔

 محمد وسیم 22 نومبر کو تین مرتبہ کے عالمی چیمپئن میکسیکن باکسر گینگن سے مقابلہ کریں گے، پاکستانی باکسر پاکستان کے لیے لگاتار 8 فائٹس جیت چکے ہیں۔