موسیقی سے شغف رکھنے والے شائقین کرکٹ کے لیے اچھی خبر،امریکی گلوکارہ کیٹی پیری ویمنز ٹی20ورلڈکپ کے فائنل میں پراپنے فن کا مظاہرہ کریں گی۔

انٹرنیشنل کرکٹ کونسل (آئی سی سی) کی جانب سے جاری کی گئی پریس ریلیز میں بتایا گیا کہ 35 سالہ کیٹی پیری 8 مارچ کو ویمنز ٹی ٹوئنٹی کے فائنل کے دوران 2 بار پرفارمنس کریں گی۔

کیٹی پیری فائنل میچ شروع ہونے سے قبل اور میچ کے اختتام کے بعد بھی پرفارمنس کریں گی ۔

 اس بات کا اعلان گلوکارہ کیٹی پیری نے خود بھی سوشل میڈیا ویب سائٹ انسٹاگرام پر ویڈیو  میسج  کے  ذریعے کیا۔

See more

آئی سی سی انتطامیہ کو امید ہے کہ اس دن ایک نیا عالمی ریکارڈ بنایا جا سکے گا۔اب تک خواتین کے کسی بھی کھیل کے فائنل کو زیادہ سے زیادہ شائقین کے دیکھنے کا اعزاز فٹ بال کے 1999 میں ہونے والے عالمی کپ کے فائنل کے پاس ہے۔.

واضح رہے کہ ویمن ورلڈ ٹی ٹوئنٹی کرکٹ کپ اس بار آسٹریلیا میں 21 فروری کو شروع ہوگا جو 8 مارچ تک جاری رہے گا۔

کرکٹ کپ کا فائنل خواتین کے عالمی دن کے موقع پر 8 مارچ کو میلبرن کے تاریخی اسٹیڈیم میں ہوگا، جہاں اس بار عالمی ریکارڈ بنائے جانے کا امکان ہے۔