راولپنڈی ٹیسٹ میں پاکستان نےبنگلا دیش کوہراکردومیچوں کی سیریزمیں ایک صفرسےبرتری حاصل کرلی ۔

تفصیلات کےمطابق راولپنڈی ٹیسٹ میں پاکستان نے بنگلا دیش کوایک اننگز اور 44 رنز سے شکست دےکردو میچوں کی سیریزمیں ایک صفرکی برتری حاصل کر لی ہے ۔

پہلےٹیسٹ میچ میں بنگلا دیش کی پوری ٹیم دوسری اننگز میں 168 رنزپرڈھیرہو گئی۔

ٹیسٹ میچ کےچوتھےروزبنگلادیش نے 6 وکٹ کےنقصان پر 126 رنزسےاپنی نامکمل اننگز کا آغاز کیا تو شاہین شاہ آفریدی نے آغاز میں ہی بنگلادیشی کپتان مومن الحق کو پویلین واپس بھیج دیا وہ 41 رنز کی اننگز کھیل کر آؤٹ ہوئے جس کے بعد روبیل حسین محمد عباس کا شکار بنے اور باقی دو وکٹیں یاسر شاہ کے حصے میں آئیں۔

پاکستان کی جانب سے نسیم شاہ نے شاندار بولنگ کا مظاہرہ کیا اور کیریئر کی پہلی ہیٹ ٹرک کرتے ہوئے 4 وکٹیں حاصل کیں جب کہ یاسر شاہ نے بھی 4 وکٹیں اپنے نام کیں۔

دوسری اننگزمیں قومی ٹیم کی جانب سے بابراعظم 143، شان مسعود 100، حارث سہیل 75 اور اسد شفیق 65 رنز بناکر ٹاپ اسکورر ہےجب کہ بنگلا دیش کی جانب سے  روبیل حسین اور ابوجائید نے 3،3 وکٹیں حاصل کیں۔

بنگلا دیش کی جانب سے دوسری اننگز میں مومن الحق 41 رنز بنا کر نمایاں بلے باز رہے جب کہ نجم الحسن شنٹو نے 38 اور تمیم اقبال نے 34 رنز کی اننگز کھیلیں۔

 روالپنڈی ٹیسٹ میچ کی سب سےاہم بات نسیم شاہ کی ہیٹ ٹرک ہے ۔نسیم شاہ نے بنگلہ دیش کےخلاف ٹیسٹ کرکٹ میں ہیٹ ٹرک کرنے والے دنیا کے کم عمر ترین بولرکااعزازاپنےنام کیا۔

Youngest bowler Youngest bowler
to take to take
T20I hat-trick Test hat-trick@MHasnainPak @iNaseemShah pic.twitter.com/liFpIsLnN4

— Pakistan Cricket (@TheRealPCB) February 9, 2020