انٹرنیشنل کرکٹ کونسل ( آئی سی سی ) نے نئی ٹیسٹ رینکنگ جاری کردی  جس کے مطابق نیوزی لینڈ کے فاسٹ بالر ٹرینٹ بولٹ ٹاپ  ٹین میں شامل ہوگئے ہیں۔

تفصیلات کے مطابق  بھارت  کے خلاف سیریز میں بہترین کارکردگی دکھانے پر ٹرینٹ بولٹ چار درجے ترقی پاکر نویں پوزیشن پر آگئے ہیں۔

بالرز کی فہرست میں ابتدائی تین پوزیشنز پر کوئی تبدیلی نہیں ہوئی اور آسٹریلیا کے پیٹ کمنز، نیوزی لینڈ کے نیل ویگنر، ویسٹ انڈیز کے جیسن ہولڈر بدستور بالترتیب پہلی سی تیسری پوزیشن پر موجود ہیں۔

نیوزی لینڈ کے ٹم ساؤتھی بھارت کے خلاف بہترین کارکردگی کا مظاہرہ کرکے دو درجے ترقی پاکر چوتھی پوزیشن پر آگئے ہیں ۔

Advertisement

Virat Kohli maintained his second spot, while Kane Williamson slipped one position in the @MRFWorldwide ICC Test Rankings for batsmen after the #NZvIND series.

➡️ https://www.bolnews.com/urdu/sports/2020/03/134044/amp/ pic.twitter.com/YJRok7JJWn

— ICC (@ICC) March 3, 2020

جنوبی افریقہ کے کگیسو ربادا اور آسٹریلیا کے مچل اسٹارک  ایک ایک درجے تنزلی کے بعد بالترتیب پانچویں اور چھٹی پوزیشن پر چلے گئے۔

بھارت کے جسپریت بمراہ چار درجے ترقی پاکر ساتویں ، انگلینڈ کے جیمز اینڈرسن ایک درجے تنزلی کے بعد آٹھویں ،ٹرینٹ بولٹ نویں جبکہ آسٹریلیا کے جوش ہیزل ووڈ دو درجے تنزلی کے بعد دسویں پوزیشن پر آگئے۔

بلے بازوں کی فہرست میں پہلی دو پوزیشنز پر بدستور اسٹیو اسمتھ اور ویرات کوہلی    بالترتیب پہل اور دوسرے نمبر پر موجود ہیں۔

 آسٹریلیا کے مارنس لبوشین ایک درجے ترقی کے بعد تیسرے جبکہ نیوزی لینڈ کے کپتان  ایک درجے تنزلی کے بعد چوتھی پوزیشن پر چلے گئے ہیں۔

پاکستان کے بابر اعظم اور آسٹریلیا کے ڈیویڈ وارنر بدستور  ،بالترتیب پانچویں اور چھٹی پوزیشن پر موجود ہیں۔

نیوزی لینڈ نے ون ڈے کے بعد ٹیسٹ میں بھی بھارت کو وائٹ واش کردیا

بھارت کے چتیشور پجارا دو درجے  ترقی پاکر واپس ساتویں پوزیشن پر آگئے جبکہ انگلینڈ کے جوئے روٹ اور بھارت کے اجنکیا رہانے ایک ایک درجے تنزلی کے بعد واپس بالترتیب آٹھویں اور نویں پوزیشن پر پہنچ گئے۔

انگلینڈ کے بین اسٹوکس ایک درجے ترقی پاکر ٹاپ ٹین میں شامل ہوگئے ۔

آل راؤأنڈرز کی فہرست میں ویسٹ انڈیز کے جیسن ہولڈر پہلے، انگلینڈ کے بین اسٹوکس دوسرے اور بھارت کے رویندرا جدیجا تیسرے نمبر پر موجود ہیں۔