پاکستان سپر لیگ (پی ایس ایل) 2020 کا سیمی فائنل اگلے سال کے ایڈیشن سے پہلے منعقد کیا جائے گا۔

تفصیلات کے مطابق  پاکستان کرکٹ بورڈ (پی سی بی) کے ذرائع کے حوالے سے بتایا گیا ہے کہ باقی تین میچز بھی اگلے ایڈیشن میں ہو گے۔

یاد رہے کہ تاہم ، میچوں کی خصوصیات واضح نہیں ہیں کیونکہ کورونا وائرس وبائی بیماری میں اضافہ ہوتا جارہا ہےلہزا اس حوالے سے فلحال کچھ کہا نہیں جا سکتا ہے۔

واضح رہے کہ پی ایس ایل 2020 کورونا وائرس کے پھیلنے کی وجہ سے سیمی فائنل سے چند گھنٹے قبل پیر کو غیر معینہ مدت کے لئے معطل کردیا گیا تھا۔

اس سے قبل  پاکستان کرکٹ بورڈ ( پی سی بی ) نے پاکستان سپر لیگ (پی ایس ایل 5) سے منسلک تمام افراد کے کورونا ٹیسٹ کروانے کا فیصلہ کیا تھا۔

پاکستان کرکٹ بورڈ (پی سی بی ) کے چیف ایگزیکٹو آفیسر ( سی ای او) وسیم خان نے پریس کانفرنس کرتے ہوئے بتایا تھا کہ  بورڈ نے پی ایس ایل 5 سے منسلک تمام افراد کے کورونا ٹیسٹ کروانے کا فیصلہ کیا ہے۔

چیف ایگزیکٹو پی سی بی وسیم خان کا کہنا ہے کہ یہ فیصلہ ایک غیرملکی کھلاڑی میں کورونا وائرس کی علامات ظاہر ہونے کے بعد کیا گیا ہے، مذکورہ کھلاڑی کا ٹیسٹ کچھ دیر بعد ان کے ملک میں ہوگا۔

 ذرائع کا کہنا تھا کہ مذکورہ کھلاڑی ایلکس ہیلز ہیں جو لیگ میں کراچی کنگز کی نمائندگی کررہے تھے۔

وسیم خان نے کہاتھا کہ پی سی بی لیگ میں شامل تمام افراد کےفوری ٹیسٹ کروانے کے لیے سہولیات فراہم کرے گا۔

انہوں نے کہا تھا یہ صورتحال ہر گزرتے دن کے ساتھ بدل رہی ہے، اس حوالے سے پی سی بی تمام صورتحال کا بغور جائزہ لے رہا ہے۔ وسیم خان نے کہاکہ پی سی بی اس ضمن میں تمام متعلقہ اداروں سے رابطے میں ہے۔

پی ایس ایل 5 کے شیڈول میں تبدیلی، پلے آف میچز ختم کردئیے گئے

چیف ایگزیکٹو پی سی بی نےواضح کیا تھا کہ پی سی بی  میچ اور نان میچ ڈیز پر احتیاطی تدابیر اختیار کرتے ہوئےتھرمل گن سے  کھلاڑیوں، آفیشلزاور میڈیا نمائندگان کا بخار باقاعدگی سے چیک کرتا رہا ہے۔

وسیم خان نے کہا تھا پی سی بی کا ماننا ہے  کہ ایونٹ کو ملتوی کرنے  کا یہ بہترین وقت ہے اور اس سے قبل تمام ٹیموں کے مالکان کی مشاورت سے مختلف فیصلے لیے گئے جس میں بند دروازوں میں میچز کروانا ، کھلاڑیوں کو دستبرداری کی آپشن دیئے جانا، ایونٹ کی تاریخوں میں تبدیلی اور ٹورنامنٹ کے  ایام کم کرنا شامل تھا۔

انہوں نے کہا تھا کہ یقیناََ یہ فیصلہ بھی تمام ٹیموں کے مالکان کی مشاورت سے لیا گیا ہے۔

چیف ایگزیکٹو پی سی بی نے کہا تھا کہ پی سی بی  اپنا اثر و رسوخ استعمال کرتے ہوئے اس وباء سے آگاہی اور نمٹنے میں حکومتی مہم کا حصہ بن کر اپنا کردار ادا کرتا رہے گا۔

وسیم خان کا کہنا تھا کہ کہاکہ پی سی بی پرامید ہے کہ روزمرہ کی زندگی میں جلد ہر چیز معمول پر آجائے گی اور ہم مداحوں کے لیے کرکٹ واپس لائیں گے۔

پی سی بی نے اپنے تمام ڈومیسٹک مقابلے اور کرکٹ سرگرمیاں  بھی معطل کردی ہیں۔