کورونا وائرس کے باعث لاک ڈاؤن نے آسٹریلوی بلے باز ڈیوڈ وارنر کو ٹک ٹاک اسٹار بنا دیا۔

کرونا کی وباء نے زندگی کو مفلوج کر کے رکھ دیا ہے، کھیلوں کی سرگرمیاں معطل ہو کر رہ گئی ہیں اور کھلاڑی اپنی فٹنس برقرار رکھنے کیلئے گھر میں ہی ٹریننگ کرنے میں مصروف ہیں ۔

لاک ڈائون نے کھلاڑیوں کی صلاحیتیں اجاگر کی ہیں، وسیم اکرم کی کوکنگ کرتی تصاویر سوشل میڈیا پر وائرل ہوئی تو ایم ایس دھونی باغبانی کرتے نظر آئے اور آج کل آسٹریلوی بلے باز ڈیوڈ وارنر ٹک ٹاک پر اپنے رقص کی صلاحیتیں نکھارتے نظر آرہے ہیں ۔

گذشتہ دنوں ڈیوڈ نے اپنی اہلیہ اور چھوٹی بیٹی کے ساتھ مراٹھی گانے پر بہترین رقص کر کے صارفین سے خوب داد سمیٹی جبکہ ڈیوڈ وارنر اکثر ویڈیوز میں اپنی بیگم اور بیٹیوں کیساتھ مزے مزے کی پرفارمنس دیتے نظر آتے ہیں۔