کورونا وائرس کے سبب  طویل لاک ڈاؤن کے بعد آسٹریلوی  کھلاڑیوں نے پارکس میں پریکٹس سیشنز کا آغاز کردیا۔

تفصیلات کے مطابق  نیو ساؤتھ ویلز  سے تعلق رکھنے والے آسٹریلیا کے انٹرنیشنل کھلاڑیوں نے محدود جگہوں پر پریکٹس سینشز شروع کر دیے ہیں۔

سڈنی کے اولمپک پارک میں ٹریننگ کرنے والے آسٹریلوی کرکٹرز میں اسٹیو اسمتھ، ڈیوڈ وارنر اور  مچل اسٹارک شامل ہیں۔

اسٹیو اسمتھ کا کہنا   ہے کہ دو ماہ بعد کرکٹ کھیلنا اچھا لگ رہا ہے۔ دوران لاک ڈاؤن گھر میں رہ کر فٹنس کے لیے کافی کام کیا ہے۔ گھر میں رہتے ہوئے بھی پریکٹس سے میں بہتر پوزیشن میں ہوں اور اچھا محسوس کر رہا ہوں۔

انہوں نے مزید کہا کہ  اتنے عرصے تک کرکٹ سے دور رہے تاہم اب میں کرکٹ میں واپسی سے خوش ہوں۔