قومی کرکٹ ٹیم کے فاسٹ بالر محمد عامر نے انکشاف کیا ہے کہ ایک قومی ٹیم کے ہمراہ دورے پر  طبیعت بگڑنے کے سبب مجھے ایک رات میں 27ڈرپس لگیں۔

بول نیوز کے پروگرام ’گوگلی ود مشی ‘ میں  گفتگو کرتے ہوئے محمد عامر کا کہنا تھا کہ پہلے میچ سے پہلے مجھے سر درد تھا لیکن میں نے دوا کھا کر کھیلا، 4 اوور میں 3 آؤٹ  کرچکا تھا کہ بخار تیز ہوگیا۔

انہوں نے مزید کہا کہ مجھے ایسا لگنے لگا جیسے جسم سے جان نکل رہی ہےتو میں گراؤنڈ سے باہر چلا گیا۔

تین دن تک دواؤں پہ گزارا ہوتا رہا لیکن جب چوتھے دن اسپتال گیا تو پتہ چلا کہ مجھے ڈینگی  ہے اور میں مرنے کے بہت قریب ہوں ۔ اس ایک رات میں مجھے 27 ڈرپس لگیں۔

محمد عامر نے بتایا کہ ان کی حالت دیکھ کر ڈاکٹر زنے کہہ دیا تھا کہ بس دعا کریں۔