انٹر نیشنل کرکٹ کونسل(آئی سی سی ) کی جاری کردہ تازہ ٹیسٹ رینکنگ میں  اچھی کارکردگی دکھانے والےپاکستانی پلیئرز کی  ترقی۔

تفصیلات کے مطابق 17ویں ٹیسٹ سنچری اسکور کرنے والے قومی ٹیم کے کپتان اظہر علی کی آئی سی سی ٹیسٹ رینکنگ میں ترقی ہوگئی۔

کپتان اظہر علی 11 درجے ترقی پاکر آئی سی سی ٹیسٹ رینکنگ میں  34ویں پوزیشن سے 23ویں نمبر پر پہنچ گئے ہیں۔

بابراعظم نے رینکنگ میں اپنی پانچویں پوزیشن برقرار رکھی ہے جبکہ  وکٹ کیپر بیٹسمین محمد رضوان  3درجے ترقی پاکر عالمی رینکنگ میں 72ویں پوزیشن پر پہنچ گئے ہیں۔

اس کے علاوہ اسد شفیق 26ویں، شان مسعود 29ویں اور عابد علی 59ویں پوزیشن پر  موجود ہیں۔

 فاسٹ بالر محمد عباس کی عالمی رینکنگ میں تنزلی ہوئی ہے۔ محمد عباس 8ویں  سے 13ویں پوزیشن پر پہنچ گئے ہیں جبکہ لیگ اسپنر یاسر شاہ ایک درجے تنزلی کے  بعد 23ویں نمبر پر چلے گئے۔

شاہین شاہ آفریدی 33ویں اور نسیم شاہ 57ویں پوزیشن پر آگئے ہیں۔