پاکستان سپرلیگ کے 5 ویں ایڈیشن کے دوسرے ایلیمنیٹر میں لاہور قلندرز نے ملتان سلطانز کو 183 رنز کا ہدف دے دیا۔

تفصیلات کے مطابق پاکستان سپر لیگ 5 کے فائنل میچ میں لاہور قلندرز نے مقررہ اوورز میں6 وکٹ پر 182 رنز بنائے اور حریف ٹیم ملتان سلطانز کو جیت کے لیے 183 رنز کا ہدف دے دیا۔

ملتان سلطانز کی جانب سے شاہد آفریدی نے 2 وکٹیں حاصل کی۔

یاد رہے کہ پاکستان سپر لیگ ( پی ایس ایل) 5 کے دوسرے ایلیمنیٹر میچ میں ملتان سلطانز نے ٹاس جیت کر لاہور قلندرز کو بیٹنگ کی دعوت دے دی۔

کراچی کے نیشنل اسٹیڈیم پر کھیلے جانے والے ایونٹ کے پہلے ایلیمنیٹر میں لاہور قلندرز نے پشاور زلمی کو مات دی تھی، جبکہ کراچی کنگز نے کل ملتان سلطانز کو ہرا کر فائنل میں جگہ بنالی ہے۔