پاکستان نے زمبابوے کو پہلے ٹی ٹوئنٹی میچ میں6 وکٹوں سے شکست دے دی۔

پنڈی کرکٹ اسٹیڈیم میں کھیلے گئے پہلے ٹی ٹوئنٹی میچ میں زمبابوے نے ٹاس جیت کر پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 156 رنز بنائے۔

زمبابوے کی جانب سے میڈھیویرے نے 70 رنز کی ناقابل شکست اننگز کھیلی۔ان کے علاوہ شان ولیمز 25،ایلٹن چگمبورا 21 اور برینڈن ٹیلر 20 رنز بناکر نمایاں رہے۔

پاکستان کی جانب سے حارث  رؤف اور وہاب ریاض نے 2،2 جبکہ محمد حسنین اور عثمان قادر نے ایک ایک وکٹ حاصل کی۔

جواب میں پاکستان ٹیم نے مقررہ ہدف کپتان بابر اعظم کے 82 رنز کی بدولت باآسانی 7 گیندوں قبل ہی حاصل کرلیا۔ان کے علاوہ محمد حفیظ 36 اور فخر زمان 19 رنز بناکر نمایاں رہے۔

زمبابوے کی جانب سے مزرابانی  نے 2 جبکہ چتارا اور نگراوا نے ایک ایک وکٹ حاصل کی۔

پاکستان کو تین ٹی ٹوئنٹی میچز کی سیریز میں ایک صفر کی برتری حاصل ہوگئی ہے۔

سیریز کا دوسرا میچ اتوار 8 نومبر کو جبکہ تیسرا اور آخری میچ منگل 10 نومبر کو کھیلا جائے گا۔