پی سی بی  کی کرکٹ کمیٹی نے قومی کرکٹ ٹیم کے ہیڈ کوچ اور بالنگ کوچ مصباح الحق کو کارکردگی بہتر کرنے کے لیے مزید مہلت دے دی۔

تفصیلات کے مطابق لاہور میں پاکستان کرکٹ بورڈ(پی سی بی )کرکٹ کمیٹی کا  قومی ٹیم کی کارکردگی جانچنے کے لیے اہم اجلاس ہوا۔

قومی کرکٹ ٹیم کے ہیڈ کوچ مصباح الحق اور بالنگ کوچ وقار یونس   نے اجلاس میں خصوصی شرکت کی۔

کرکٹ کمیٹی نے اجلاس میں قومی کرکٹ ٹیم کی گذشتہ 16 ماہ کی کارکردگی کا جائزہ لیا۔  ہیڈ کوچ مصباح الحق اور بالنگ کوچ وقار یونس نے کمیٹی کو مکمل بریفنگ  دی۔

مصباح الحق اور وقار یونس کی آمد سے قبل چیف سلیکٹر محمد وسیم  نے بھی کرکٹ کمیٹی کو اپنی سلیکشن پالیسی سے متعلق بریفنگ دی۔

مصباح الحق اور وقار یونس سے ٹیم کی ان کے دور میں خراب کارکردگی پر سوالات کیے گئے۔

مصباح الحق اورقار یونس کا کہنا تھا کہ کورونا وباء سے کھلاڑیوں کی تیاری اور کارکردگی پر اثر پڑا ہے۔دونوں کوچز نے  کارکردگی میں بہتری کے وعدے کیے۔

ذرائع کا کہنا ہے کہ کرکٹ کمیٹی دونوں کو برطرف کرنے کے معاملے پر نرم گوشہ رہتے  ہوئے انہیں مزید مہلت دے دی۔

سربراہ کرکٹ کمیٹی  سلیم یوسف نے قومی کرکٹ ٹیم کی کارکردگی پر عدم اطمینان کا اظہار کرتے ہوئے پی سی بی کو ٹیم منیجمنٹ کو مکمل سپورٹ کرنے کی ہدایت کی۔

سلیم یوسف کا کہنا ہے کہ کورونا وائرس کی وباء اور تجربہ کار کھلاڑیوں کی عدم موجودگی ٹیم کی مجموعی کارکردگی پر اثرانداز ہوئی۔ ٹیم منیجمنٹ کو قومی کرکٹ ٹیم سے متعلق اپنی حکمت عملی اور اہداف سے متعلق مکمل وضاحت دینے کی ضرورت ہے۔

انہوں نے مزید کہا کہ  کرکٹ کمیٹی جنوبی افریقہ کے خلاف ہوم سیریز کے بعد ایک بار پھر قومی کرکٹ ٹیم کی کارکردگی کا جائزہ لے گی۔جنوبی افریقہ کے خلاف ہوم سیریز میں دوسری پوزیشن پر آنے کا کوئی پوائنٹ نہیں رہتا۔

سربراہ کرکٹ کمیٹی   نے کہا کہ  عالمی وباء کے باعث صرف پاکستان کرکٹ ٹیم کو ہی نہیں بلکہ انٹرنیشنل کرکٹ کھیلنے والے دیگر ممالک کی ٹیموں کو بھی کورونا کی وجہ سے مشکلات کا سامنا ہے۔

سلیم یوسف نے کہا کمیٹی کا ماننا ہے کہ ٹیم کے انتخاب اور فائنل الیون کے لیے کھلاڑیوں کے چناؤ میں بہتری ہونی چاہیےتھی۔  مشکل صورتحال سے نمٹنے کےلیے کھلاڑیوں کی تیاری میں سائنس اور ڈیٹا بیس سے مددلینے پر زور دیا گیا ہے۔

کمیٹی اپنی سفارشات چیئر مین احسان مانی کو بھیجے گی۔