قومی کرکٹ ٹیم کے ہیڈ کوچ مصباح الحق نے اپنے اوپر ہونے  والی تنقید کو جائز قرار دے دیا۔

تفصیلات کے مطابق ہیڈ کوچ مصباح الحق  کا کہنا ہے کہ  قومی ٹیم  کے دورہ نیوزی لینڈ پر تنقید بلکل ٹھیک ہے،تنقید وہی کرتے ہیں  جن کو امیدیں وابستہ ہوتی ہیں۔

مصباح الحق نے کہا کہ   فینز کو مایوسی ہوتی ہے اور پرفارمنس پر بلکل تنقید بنتی ہے ۔ ہم تینوں ڈیپارٹمنٹ میں نیچے تھے اس  لیے تنقید جائز ہے۔ پرفارمنس کو مزید بہتر کرنے کی ضرورت ہے۔

انہوں نے کہا کہ  جو بھی اسپورٹس کھیلتے ہیں ان کا مقصد جیتنا ہوتا ہے اور جب آپ کے مطابق چیزیں نہیں ہوتیں  تو مایوسی ہوتی ہے۔ نیوزی لینڈ کے خلاف ہمارے پاس موقع آئے ،لیکن ہم بہتر نہیں کر سکے۔

ہیڈ کوچ نے کہا کہ اس ٹور سے بہت کچھ سیکھنے کو ملا ہے۔ پہلے ٹیسٹ میں فائٹ کرتے کرتے ایسے لگ رہا تھا کہ میچ ڈرا ہوجائے گا۔

مصباح الحق نے کہا کہ   سب سے زیادہ مایوسی ڈراپ چانسسز سے ہوئی۔ہمارے پاس مواقع آئے لیکن ان چانسز کو مس کیا۔

انہوں نے مزید کہا کہ  اب ہوم سیریز ہے ،اچھا چانس ہوگا کہ نیوزی لینڈ کی غلطیوں کو دور کریں۔ ہوم سیریز کے لیے جو تبدیلیاں کرنی پڑیں وہ کریں گے۔ اگلی سیریز کے لیے پلان کرنا اور غلطیوں کو دور کرکے واپس کم بیک کرنا ہے۔