نگلینڈ  کی ویمنز کرکٹ ٹیم رواں سال اکتوبر میں پہلی مرتبہ پاکستان کا دورہ کرے گی۔

تفصیلات کے مطابق پاکستان کرکٹ بورڈ نے اعلان کیا ہے کہ انگلینڈ ویمنز کرکٹ ٹیم رواں سال اکتوبر میں پہلی مرتبہ پاکستان کا دورہ کرے گی۔

مہمان ٹیم کراچی میں  دو ٹی ٹوئنٹی اور تین ایک روزہ انٹرنیشنل میچز کھیلے گی۔

pic.twitter.com/lJg6pjysR7

Advertisement

— Pakistan Cricket (@TheRealPCB) January 7, 2021

دونوں ٹی ٹوئنٹی میچز 14 اور 15 اکتوبر کو کراچی میں کھیلے جائیں گے۔  یہ دونوں ٹی ٹوئنٹی میچز اسی روز کھیلے جائیں گے کہ جب انگلینڈ کی مینز کرکٹ ٹیم پاکستان کے خلاف ٹی ٹوئنٹی میچز کھیل رہی ہوگی۔

مسلسل دو روز  نیشنل اسٹیڈیم کراچی میں کھیلے جانے والے یہ کُل چاروں میچز(2 مینز ٹیموں کے اور 2 ویمنز ٹیموں کے) ڈبل ہیڈر کی بنیاد پر منعقد ہوں گے۔

پاکستان اور انگلینڈ کی خواتین کرکٹ ٹیموں کے مابین تین ایک روزہ انٹرنیشنل میچز 18، 20 اور 22 اکتوبر کو کھیلے جائیں گے۔

https://twitter.com/englandcricket/status/1347120870213505029

یاد رہے کہ انگلینڈ مینز کرکٹ ٹیم نے آخری مرتبہ سال 2005 میں پاکستان کا دورہ کیا تھا تاہم ویمنز ون ڈے انٹرنیشنل کرکٹ کی عالمی چیمپئن ٹیم کا یہ پہلا دورہ پاکستان ہے۔

شیڈول:

14 اکتوبر: پہلا ٹی ٹوئنٹی انٹرنیشنل میچ بمقام نیشنل اسٹیڈیم کراچی

15 اکتوبر: دوسرا ٹی ٹوئنٹی انٹرنیشنل میچ بمقام نیشنل اسٹیڈیم کراچی

18 اکتوبر: پہلا ایک روزہ انٹرنیشنل میچ بمقام نیشنل اسٹیڈیم کراچی

20 اکتوبر: دوسرا ایک روزہ انٹرنیشنل میچ بمقام نیشنل اسٹیڈیم کراچی

22 اکتوبر: تیسرا ایک روزہ انٹرنیشنل میچ بمقام نیشنل اسٹیڈیم کراچی