انٹرنیشنل کرکٹ کونسل نے کورونا وائرس سے متاثرہ پاکستان سپر لیگ کو مثال قرار دے دیا ہے۔

تفصیلات کے مطابق رواں ہفتے پاکستان سپر لیگ کے ملتوی ہونے پر انٹرنیشنل کرکٹ کونسل (آئی سی سی) کا ردعمل سامنے آگیا ہے۔

اس ضمن میں آئی سی سی چیف ایگزیکٹیو مانو سواہنے نے کہا ہے کہ پی ایس ایل کے التواء سے سبق سیکھیں گے اور ناکامی کے تجربات سے بھی فائدہ اٹھائیں گے۔

غیرملکی میڈیا کے مطابق مانو سواہنے کا مزید کہنا تھا کہ ہوسکتا ہے چیزیں پلان کے مطابق نہ جائیں لیکن تمام کھلاڑیوں اور آفیشلز کو کورونا سے محفوظ بائیو ببل فراہم کرنے کی کوشش ہوگی۔

ٹی ٹوئنٹی ورلڈکپ بھارت میں شیڈول ہے تاہم بھارت کے بیک آپ کے طور پریو اے ای کو رکھا ہے اور آئی سی سی کے مطابق میگا ایونٹ کے لئے وینیوز تاحال فائنل نہیں کیے گئے ہیں۔

ٹورنامنٹ میں دنیا بھر سے مجموعی طور پر سولہ ٹیمیں شرکت کریں گی اور16 ٹیموں کے ورلڈکپ کا انعقاد کرانا چیلنج ہوگا۔