پاکستان نے پہلے ٹی ٹوئنٹی میچ میں زمبابوے کو 11 رنز سے شکست دے دی۔

ہرارے اسپورٹس کلب میں کھیلے گئے پہلے ٹی ٹوئنٹی میچ میں زمبابوے نے ٹاس جیت کر پاکستان کو پہلے بیٹنگ کرنے کی دعوت دی۔

پاکستان نے پہلے بیٹنگ کرتے ہوئے مقررہ 20 اوورز میں محمد رضوان کے ناقابل شکست 82 رنز کی بدولت 7 وکٹوں کے نقصان پر 149 رنز بنائے۔

ڈیبیوٹنٹ دانش عزیز 15 اور فخر زمان 13 رنز بناسکے۔ اس کے علاوہ کوئی کھلاڑی ڈبل فیگر اننگز نہیں کھیل سکا۔

Advertisement

Pakistan win the first #ZIMvPAK T20I by 11 runs

Scorecard: https://www.bolnews.com/urdu/sports/2021/04/903719/amp/#HarHaalMainCricket #BackTheBoysInGreen pic.twitter.com/74rJn0lkxU

— Pakistan Cricket (@TheRealPCB) April 21, 2021

زمبابوے کی جانب سے لیوک جونگوے اور ویسلے میڈھویرے نے 2،2 جبکہ بلیسنگ مزارابانی اور رچرڈ نگاراو نے ایک ایک وکٹ حاصل کی۔

جواب میں زمبابوے کی ٹیم مقررہ 20 اوورز میں 7 وکٹوں کے نقصان کے 138 رنز بناسکی۔ کریگ اروین 34 ، لیوک جونگوے ناقابل شکست 30 اور کامون ہوکامے 29 رنز بناکر نمایاں رہے۔

پاکستان کی جانب سے عثمان قادر نے 3، محمد حسنین نے 2 جبکہ محمد حفیظ اور حارث رؤف نے ایک ایک وکٹ حاصل کی۔

پاکستان  نے تین ٹی ٹوئنٹی میچز کی سیریز میں ایک صفر کی برتری حاصل کرلی ہے۔