پاکستانی کرکٹ فینز کو جہاں اپنے ملکی ہیروز کو پی ایس ایل 6 کے میچز میں ایکشن میں دیکھنے کی خوشی ہے، وہیں کچھ ایسے غیر ملکی کھلاڑی بھی ہیں جن کی پرفارمنس پر شائقین کھیل کی گہری نگاہ ہوگی۔

لاہور قلندرز کے کھلاڑی بین ڈنک کے لئے بڑے سے بڑے ہدف کا حصول بائیں ہاتھ کا کھیل ہے اور اپنی بیٹنگ سے میچ کا پورا نقشہ ہی تبدیل کردیتے ہیں ۔

کراچی کنگزکے مارٹن گپٹل کی  بھی ہر جانب دھوم  ہے اور بال کو فضائی سفر  کرانے میں انکو خاص مہارت حاصل ہے، بولر جس  تیزی سے آتا ہے اسی اسپیڈ سے گیند باؤنڈری لائن کے باہر جاتی ہے۔

ملتان سلطانز کے پاکستانی  نژاد جنوبی  افریقن  کرکٹر عمران طاہر  وکٹ  لینے کے بعد انکا جشن پو رے کرکٹ  ورلڈ میں الگ ہی شناخت رکھتا ہے۔

اسکے علاوہ پشاور زلمی کے مینٹور ڈیرن سیمی پاکستانیوں کے دل سے قریب ہیں اور پی ایس ایل کو کامیاب برانڈ بنانے میں انکی کوششوں کا بڑا دخل ہے۔