جنوبی افریقی فاسٹ بالر لنگی نگیدی کی شاندار بالنگ کی بدولت بھارتی ٹیم 327 رنز پر آل آؤٹ ہوگئی۔

سنچورین ٹیسٹ میں بھارت نے ٹاس جیت کر پہلے بیٹنگ کرنے کا فیصلہ کیا جو کہ پہلے دن  کے اختتام تک بظاہر درست دکھائی دیا  تاہم تیسرے روز کھیل کے آغاز میں بھارتی بیٹنگ لائن جنوبی افریقی فاسٹ بالنگ کے سامنے نہ ٹک سکی۔

دوسرے روز کا کھیل شدید بارش سے متاثر ہونے کے بعد ممکن نہ ہوسکا اور تیسرے دن بھارتی ٹیم   نے 272 رنز 3 وکٹوں کے نقصان پر دوبارہ بیٹنگ کا آغاز کیا تو اسکور میں صرف 55 رنز کا اضافہ ہی کرسکی۔

https://twitter.com/ICC/status/1475760536520314880

بھارت کی جانب سے کے ایل راہول 123 اور میانک اگروال 60 رنز بناکر نمایاں رہے۔ان کے علاوہ اجنکیا رہانے 48 اور کپتان ویرات کوہلی 35 جبکہ جسپریت بمراہ 14 رنز بناسکے۔

ریشابھ پانت اور محمد شامی 8،8 ، روی چندرن ایشون ، شردل ٹھاکر  4 ،4 ، جبکہ چتیشور پجارا صفر پر آؤٹ   ہوئے۔ محمد سراج 4 رنز پر ناٹ آؤٹ رہے۔

جنوبی افریقا کی جانب سے لنگی نگیدی نے 6 ، کگیسو ربادا نے 3 اور میکرو جانسن نے ایک وکٹ حاصل کی۔

https://twitter.com/ICC/status/1475777358787485696