آسٹریلوی کرکٹ ٹیم کا سیکیورٹی  وفد ٹیم کی سیکیورٹی  کا جائزہ لینے قذافی اسٹیڈیم پہنچ گیا۔

پاکستان کرکٹ بورڈ(پی سی بی ) کے حکام آسٹریلوی  کرکٹ ٹیم کے سیکیورٹی وفد  کو سیکیورٹی پر بریفنگ دیں گے۔

آسٹریلوی حکام قذافی اسٹیڈیم کے پویلین اور سہولیات کا جائزہ لیں گے۔

گزشتہ روز وزیر داخلہ شیخ رشید نے ملاقات کے دوران آسٹریلوی سیکیورٹی  وفد  کو فول پروف سیکیورٹی فراہم کرنے کی یقین دہانی کروائی تھی۔

وزیر داخلہ نے ٹیم بھیجنے کے اعلان پر آسٹریلوی کرکٹ بورڈ  کا شکریہ ادا کرتے ہوئے کہا کہ  پاکستان آمد پر آسٹریلوی ٹیم کا شاندار استقبال کیا جائے گا۔

واضح رہے کہ آئندہ برس مارچ اپریل میں آسٹریلوی کرکٹ ٹیم 24 برس بعد پاکستان کا دورہ کرے گی۔

اس دورے میں تین ٹیسٹ میچز، تین ون ڈے اور ایک ٹی ٹوئنٹی  میچ کھیلا جائے گا۔ ٹیسٹ اور ون ڈے میچز صبح 10 بجے شروع ہوں گے جبکہ واحد ٹی ٹوئنٹی میچ سہ پہر 3 بجے کھیلا جائے گا۔

pic.twitter.com/AlxMQYIfgV

— Pakistan Cricket (@TheRealPCB) November 8, 2021