ایشیز سیریز کے چوتھے ٹیسٹ میچ کا پہلا روز بارش سے متاثر ہوگیا اور صرف 46.5 اوورز ہی ممکن ہوسکے۔

سڈنی ٹیسٹ میں آسٹریلیا نے ٹاس جیت کر پہلے بیٹنگ کرنے کا فیصلہ کیا تو دن کے تینوں سیشنز میں ہی بارش کھیل کو متاثر کرتی رہی اور پورے دن میں صرف 46.5 اوورز کا کھیل ہی ممکن ہوسکا۔

آسٹریلیا نے دن کے اختتام تک 3 وکٹوں کے نقصان پر 126 رنز بنالیے ہیں۔اسٹیو اسمتھ 6 اور عثمان خواجہ 4 رنز بناکر کریز پر موجود ہیں۔

مزید پڑھیئے: جو روٹ کا ایشیز کے بعد کپتانی چھوڑنے کا عندیہ، بین اسٹوکس کا اہم اعلان

مارکس ہیرس 38 ، ڈیوڈ وارنر 30 اور مارنس  لبوشین 28 رنز بناکر آؤٹ ہوئے۔

انگلینڈ کی جانب سے جیمز اینڈرسن ، اسٹورٹ براڈ اور مارک ووڈ نے ایک  ایک وکٹ حاصل کی۔

https://twitter.com/ICC/status/1478629837300322306

یاد رہے کہ آسٹریلیا کو پانچ میچز کی ایشیز سیریز  میں 0-3 کی ناقابل شکست برتری حاصل ہے۔

پہلے ٹیسٹ میچ میں آسٹریلیا نے 9 وکٹوں ، دوسرے میچ میں 275 رنز اور تیسرے ٹیسٹ میچ میں اننگز اور 14 رنز سے فتح حاصل کی تھی۔

مزید پڑھیئے: انگلینڈ کو آسٹریلیا میں ٹیسٹ میچ جیتے 4000 روز گزر گئے

واضح رہے کہ میلبرن ٹیسٹ میں شکست کے بعد جو روٹ  نے انگلینڈ کے سب سے زیادہ (22) شکست خوردہ کپتان الیسٹر کک کا ریکارڈ توڑ دیا تھا۔ وہ 23 ٹیسٹ میچ ہارنے والے انگلینڈ کے پہلے کپتان بن گئے ہیں۔

تاہم دوسری جانب وہ 27 فتوحات کے ساتھ انگلینڈ کے کامیاب ترین ٹیسٹ کپتان بھی ہیں۔