افغان کرکٹر راشد خان پی ایس ایل کو جوائن کرنے کے لیے بے تاب دکھائی دے رہے ہیں۔

سماجی رابطے کی مائیکرو بلاگنگ ویب سائٹ ٹوئٹر پر ٹوئٹ کرتے ہوئے افغان کرکٹر راشد خان کا کہنا تھا کہ اب قومی ذمہ داری پوری ہوگئی ہے۔

https://twitter.com/rashidkhan_19/status/1486271047070539781

انہوں نے کہا کہ اگلا ہدف پی ایس ایل ہے جسے جوائن کرنے کے لیے انتظار نہیں ہورہا ہے۔

واضح رہے کہ پی ایس ایل 7 کو جوائن کرنے کے لیے غیر ملکی کھلاڑیوں کی آمد کا سلسلہ جاری ہے جبکہ گذشتہ روز پی ایس ایل کو جوائن کرنے کے لیے پشاور زلمی کے کھلاڑی بین کٹنگ کراچی پہنچ گئے ہیں۔

اس موقع پر بین کٹنگ کا کہنا تھا کہ پی ایس ایل میں پشاور زلمی کی نمائندگی کرنے کے لیے پرجوش ہوں۔

واضح رہے کہ پی ایس ایل 7 کا آغاز 27 جنوری سے کراچی میں ہورہا ہے جس کا پہلا مرحلہ 7 فروری تک جاری رہے جبکہ ابتدائی میچ کراچی کنگز اور ملتان سلطانز کی ٹیموں کے درمیان کھیلا جائے گا۔

ایونٹ کے پہلے مرحلے کے میچز 7 فروری تک کراچی میں ہی کھیلے جائیں گے جبکہ دوسرا مرحلے 10 فروری سے 27 فروری تک لاہور کے قذافی اسٹیڈٰیم میں کھیلا جائے گا۔