ٹینس اسٹار نوواک جوکوچ کو قانونی شرائط پورے نہ ہونے پر آسٹریلیا میں داخل ہونے سے روک دیا گیا ہے۔

سربیا سے تعلق رکھنے والے نمبر ون ٹینس اسٹار نواک کوچ کو کورونا حفاظتی شرائط پورا نہ کرنے پر آسٹریلیا میں داخل ہونے سے روک دیا گیا ہے۔

خبر ایجنسی کے مطابق ٹینس اسٹار آسٹریلیا میں آسٹریلین اوپن میں شرکت کے لیے پہنچے تھے، ٹینس اسٹار نواک کوچ 9 مرتبہ اوپن ٹینس کے چمپئین رہ چکے ہیں۔

آسٹریلوی فورس نے اس بات کی تصدیق بھی کردی ہے ہے کہ نوواک جوکوچ کا ویزہ بھی منسوخ کر دیا گیا ہے۔

آسٹریلوی وزیر اعظم اسکاٹ موسین نے سماجی رابطت کی ویب سائٹ ٹوئٹر پر کہا کہ ’نوواک جوکوچ کا ویزا منسوخ کر دیا ہے۔ اصول، اصول ہوتے ہیں خاص طور پر جب بات ہماری سرحدوں کی ہوتی ہے۔‘

Mr Djokovic’s visa has been cancelled. Rules are rules, especially when it comes to our borders. No one is above these rules. Our strong border policies have been critical to Australia having one of the lowest death rates in the world from COVID, we are continuing to be vigilant.

— Scott Morrison (@ScottMorrisonMP) January 5, 2022

اسکاٹ مورسین نے یہ بھی کہا کہ کوئی بھی شخص قانون سے بالا تر نہیں ہے، کورونا وائرس کے باعث لگائی گئی سخت پابندیوں کی وجہ سے آسٹریلیا کم ترین کورونا کے کیسز والے ممالک میں شامل رہا، اور ہم آگے بھی اسے طرح محتاط رہیں گے۔

ماضی میں آسٹریلن اوپن کے دفاعی چیمپیئن نوواک جوکوچ کورونا وائرس ویکسین لگوانے کی مخالفت کرتے ہوئے نظر آئے تھے۔

اس کے علاوہ نوواک جو کوچ نے یہ بھی دعویٰ کیا تھ اکہ انہیں ویکسینیشن کے بغیر ٹورنامنٹ کھیلنے کی اجازت مل جائے گی۔

واضح رہے کہ اس وقت جوکوچ امیگریشن کے ایک حراستی موکز میں موجود ہیں، جبکہ یہ بھی کہا جا رہا ہے کہ انہیں ڈیپورٹ بھی کیا جاسکتا ہے۔

دوسری جانب سربین اسٹار نے اس فیصلے کو عدالت میں چیلینج بھی کر دیا ہے، جس کی سماعت آج عدالت میں ہوگی۔

سربیا کے صدر الیکزینڈر وچچ نے جوکوچ کی حمایت میں جاری ایک بیان میں کہا کہ ’پورا سربیا جوکوچ کے ساتھ ہے۔

سربیا کے صدر نے مزید کہا کہ انصاف اور سچ کے لیے بین الاقوامی جوکوچ کا مقدمہ لڑے گا۔