بھارت اور جنوبی افریقا کے درمیان جاری میچ میں ٹیسٹ کرکٹ کا انوکھا ریکارڈ قائم ہوگیا۔

کیپ ٹاؤن میں جاری سیریز کے تیسرے اور آخری ٹیسٹ میچ میں جنوبی افریقا کو جیت کے لیے 212 رنز درکار ہیں اور ابھی 7 سیشنز کا کھیل باقی ہے۔

اس ٹیسٹ میچ میں ایسا منفرد ریکارڈ قائم ہوا ہے جو ٹیسٹ کرکٹ کی  145 سالہ تاریخ میں پہلے کبھی نہ ہوسکا۔

A first in Test cricket 🤯 #SAvIND

Advertisement

— ESPNcricinfo (@ESPNcricinfo) January 13, 2022

بھارتی ٹیم کے تمام کھلاڑی دونوں اننگز میں کیچ آؤٹ ہوئے ہیں اور یہ پہلا موقع ہے کہ کسی ٹیم   کی دونوں اننگز کی 20 وکٹیں کیچ آؤٹ ہوئی ہوں۔

اس سے قبل 5 مواقعوں پر کسی ٹیم کی 19 وکٹیں کیچ کی صورت میں گریں جبکہ 25 مواقعوں پر 18 وکٹیں  کیچ  کی صورت میں گریں۔

مزید پڑھیئے: کیپ ٹاؤن ٹیسٹ: بھارتی بیٹنگ لائن پھر ناکام، جنوبی افریقا کو جیت کیلئے 212 رنز کا ہدف

یاد رہے کہ دونوں ٹیموں کے مابین آئی سی سی ورلڈ ٹیسٹ چیمپئن شپ میں شامل تین ٹیسٹ میچز کی سیریز 1-1 سے برابر ہے۔

پہلے ٹیسٹ میچ میں بھارت نے جنوبی افریقا کو 113 رنز سے شکست دی تھی جبکہ دوسرے ٹیسٹ میچ میں جنوبی افریقا نے 7 وکٹوں سے فتح حاصل کی تھی۔