بھارتی بیٹنگ لائن دوسری اننگز میں بھی بری طرح ناکام ہوکر 198 رنز پر ڈھیر ہوگئی۔

کیپ ٹاؤن میں کھیلے جارہے تیسرے اور آخری ٹیسٹ میچ میں بھارتی ٹیم اپنی دوسری اننگز میں 198 رنز پر آل آؤٹ ہوگئی۔ ریشابھ پانت (100 ) شاندار سنچری بناکر ناٹ آؤٹ   رہے۔

تاہم پانت کے علاوہ کوئی بھی بھارتی بلے باز جنوبی افریقی بالرز کا مقابلہ نہ کرسکا اور دوسرے اینڈ سے مستقل وکٹیں گرتی رہیں۔ کپتان ویرات کوہلی 29  اور کے ایل راہول 10 رنز بناسکے، دیگر کوئی بلے باز ڈبل فیگرز میں داخل نہ ہوسکا۔

ویرات کوہلی کے بعد بھارتی اننگز میں  تیسرے نمبر پر ٹاپ اسکور رمیں ایکسٹراز کے 28 رنز شامل ہیں۔

چتیشور پجارا 9، میانک اگروال اور روی چندرن ایشون 7،7، شردل ٹھاکر 5، جسپریت بمراہ 2، اجنکیا رہانے ایک جبکہ امیش یادو اور محمد شامی بغیر کوئی رن بنائے آؤٹ ہوئے۔

South Africa need 212 runs to win!

Pant finishes the innings unbeaten on 100* as India are bowled out for 198.

The final session should be 🔥

Watch #SAvIND live on https://www.bolnews.com/urdu/sports/2022/01/893376/amp/ (in select regions)#WTC23 | https://www.bolnews.com/urdu/sports/2022/01/893376/amp/ pic.twitter.com/IfDO5TBcd1

— ICC (@ICC) January 13, 2022

جنوبی افریقا کی جانب سے مارکو جینسن نے 4 جبکہ  لنگی نگیدی اور کگیسو ربادا نے 3،3 وکٹیں حاصل کیں۔

یاد رہے کہ بھارت نے ٹاس جیت کر پہلے بیٹنگ کرنے کا فیصلہ کیا تھا تاہم بھارتی ٹیم ابتداء سے ہی مشکلات کا شکار رہی اور  کپتان ویرات کوہلی (79) کی نصف سنچری کی بدولت  بمشکل 223 رنز بناسکی تھی۔

چتیشور پجارا 43 ،ریشابھ پانت 27، میانک اگروال 15، کے ایل راہول اور شردل ٹھاکر 12، 12 رنز بناکر آؤٹ ہوئے تھے۔

اجنکیا رہانے 9،  محمد شامی 7 ، روی چندرن ایشون 2 اور جسپریت بمراہ بغیر کوئی رن بنائے آؤٹ ہوئے۔امیش یادو4 رنز پر ناٹ آؤٹ رہے تھے۔

مزید پڑھیئے: کیپ ٹاؤن ٹیسٹ: بھارتی بلے باز جنوبی افریقی بالرز کے آگے بے بس، 223 پر ڈھیر

جنوبی افریقا کی جانب سے کگیسو ربادا نے 4، مارکو جینسن نے 3 جبکہ ڈوین اولیور ، لنگی نگیدی اور کیشو مہاراج نے ایک ایک وکٹ حاصل کی تھی۔

اس کے جواب میں جنوبی افریقی ٹیم بھی اپنی پہلی اننگز میں شروع سے ہی مشکلات کا شکار رہی اور کیگان پیٹرسن (72) کی نصف سنچری کی بدولت بمشکل ہی 210 رنز بناپائی۔

ٹمبا باووما 28، کیشو مہاراج 25 ، ریسی وینڈر ڈسن 21، کگیسو ربادا 15، ایڈن مارکرام 8، مارکو جینسن 7،کپتان ڈین ایلگر 3 اور کائل ویرین بغیر کوئی رن بنائے آؤٹ ہوئےجبکہ ڈوین اولیور 10 رنز پر ناٹ آؤٹ رہے۔

بھارت کی جانب سے جسپریت بمراہ 5 نے ، امیش یادو اور محمد شامی  نے 2،2 جبکہ شردل ٹھاکر نے ایک وکٹ حاصل کی۔

یاد رہے کہ دونوں ٹیموں کے مابین آئی سی سی ورلڈ ٹیسٹ چیمپئن شپ میں شامل تین ٹیسٹ میچز کی سیریز 1-1 سے برابر ہے۔

پہلے ٹیسٹ میچ میں بھارت نے جنوبی افریقا کو 113 رنز سے شکست دی تھی جبکہ دوسرے ٹیسٹ میچ میں جنوبی افریقا نے 7 وکٹوں سے فتح حاصل کی تھی۔