آسٹریلوی  بگ بیش لیگ میں پاکستانی کھلاڑیوں کی شاندارپرفارمنس  کا سلسلہ جاری ہے۔

آج کھیلے گئے میلبر ن اسٹار زاور میلبرن رینگیڈز کے میچ میں دو پاکستانی کھلاڑیوں حارث رؤف اور احمد دانیال نے میلبرن اسٹارز  کی نمائندگی کی۔

اپنے پہلے  بگ بیش لیگ ایڈیشن میں صرف 10 میچز میں 20 وکٹیں حاصل کرکے دنیائے کرکٹ میں دھوم مچانے والے حارث رؤف نے آج انتہائی مشکل کیچ پکڑ کر اپنی فیلڈنگ پر بھی خوب داد وصول کی۔

انہوں نے اوکونل کی گیند پر ایرون فنچ کے بلند شاٹ کو باؤنڈری لائن پر کیچ کیا اور انتہائی اونچا کیچ ہونے کی وجہ سے وہ اپنا توازن  کھوکر باؤنڈری لائن کے دوسری طرف چلے گئے۔

تاہم باؤنڈری لائن سے باہر جانے سے قبل ہی انہوں نے حاضر دماغی کا مظاہرہ کرتے ہوئے گیند  کو ہوا میں چھال دیا  تھا اور توازن صحیح کرکے فوراً باؤنڈری لائن کے اندر آکر گیند کو دوبارہ کیچ کرلیا۔

Rauf walks the tightrope on the boundary!!

Was there rope involved? We're taking another look… #BBL11 pic.twitter.com/D1eeTG1vo3

— KFC Big Bash League (@BBL) January 3, 2022

ان کی اس حاضر دماغی اور زبردست فیلڈنگ صلاحیت پر آسٹریلوی کمنٹیٹر بھی ان کی تعریف کیے بغیر نہ رہ سکے  اور انہوں نے اسے بہترین فیلڈنگ  قرار دیا۔

یاد رہے کہ گزشتہ روز محمد حسنین نے بگ بیش لیگ  کا ڈیبیو اوور تین وکٹوں کے ساتھ میڈن کروا کے دھماکے دار انٹری کی تھی۔

TRIPLE. WICKET. MAIDEN. ON. DEBUT. #BBL11 pic.twitter.com/73hCAB40aU

— KFC Big Bash League (@BBL) January 2, 2022